KQZ, aty ku PD dhe PS bashkohen dhe riciklojnë figura për Komisionin Rregullator
Nëse për 35 vjet PD dhe PS kanë akuzuar njëra-tjetrën për shumë gjëra, për KQZ gjithmonë kanë gjetur gjuhën e përbashkët dhe kanë bashkuar votat duke zgjedhur gjithmonë figura më antivotë që flasin shqip.
Kështu ka ndodhur edhe sot me votimin për Kryetar dhe anëtar të Komisionit Rregullator sa të krijohet ideja se nuk ka koka tjera në këtë përveç këtyre që vetëm nga menaxhimi i procesit zgjedhor nuk kanë lidhje!
Ose, shkatërrimin e këtij procesi e bëjnë në mënyrë perfekte!
Sot, Partia Demokratike dhe Partia Socialiste bashkuat votat në Parlament dhe me 116 vota për, 2 abstenime dhe 2 kundër, kryetaren e Komisionit Rregullator të Komisionit Qendror të Zgjedhjeve, Ilirjana Nano nga PS.
Ndësa me 111 vota për, 2 abstenime dhe 7 kundër votuar për anëtar të Komisionit Rregullator të Komisionit Qendror të Zgjedhjeve, Arben Ristani nga PD.
Me 113 vota për, 1 abstenim dhe 5 kundër, u votua për anëtar të Komisionit Rregullator të Komisionit Qendror të Zgjedhjeve, Bledar Skenderi nga PS.
Me 112 vota për, 3 abstenime dhe 6 kundër, u votua për anëtar të Komisionit Rregullator të Komisionit Qendror të Zgjedhjeve, Helga Vukaj nga PD.
Dhe, me 116 vota për, 2 abstenim dhe 2 kundër, u votua për anëtar të Komisionit Rregullator të Komisionit Qendror të Zgjedhjeve, Dritan Caka nga PS.
Pas këtij procesi të votimit, palët u kthyen në rolet e tyre, të kënaqurve socialist në ekstrem dhe opozitës së pakënaqur deri në zemërim para kamerave!
