Sot Protesto!

Sot në orën 18:00 para Kryeministrisë në Tiranë, Partia Demokratike organizon Protestë Kombëtare!

Ti që ishe aq mosbesues ndaj akuzave të Partisë Demkratike dhe ishe i bindur se “fajet i ka Saliu”, sot ke akuzat e SPAK-ut kundër AKSHI-t dhe Belinda Ballukut!

Ti që e pranoje logjikën e Edi Ramës për imunitetin e Sali Berishës se nuk ka arsye të pritet vendimi i Gjykatës Kushtetuese për ti hequr imunitetin Ish-Presidentit dhe Ish-Kryeministrit Berisha, të cilën e kërkonte SPAK, sot cila është logjika kur dëgjon Kryeministrin Rama që thotë se nuk duhet hequr imunitetin Zv/Kryeministres Balluku deri sa ta thotë fjalën Gjykata Kushtetuese!

Ti që injorove denoncimet nga kreui PD, Sali Berisha, për Ergys Agasin si koordinator i krimit të organizuar pranë Qeverisë Rama, sepse vazhdoje ta shijoje duke rrufitur kafen edhe satisfaksionin pse nuk duhet të protestosh kundër pushtetit komunist kur “fajet i ka Saliu”, sot ke akuzat e Prokurorisë së Posaçme!

Dhe jo vetëm kaq! Ke dhe zhdukjen e provave nga ky kriminel që është arratisur menjëherë pasi është lëshuar urdhërarresti!

Ti që nuk i besove shifrave marramendëse të miliona eurove të vjedhura që denoncoi Ish-Zv/Kryeministri i arratisur Arben Ahmetaj, si për 500 milionë euro të vjedhura në AKSHI, 400 milionë euro me inceneratorë dhe 50 milionë euro në Tunelin e Llogarasë, sot ke akuzat e Prokurorisë së Posaçme!

Ti që e quajte të ekzagjeruar faktin e dhënë nga Arben Ahmetaj se Edi Rama konsumon verë me çmim 33 mijë euro, sot je dëshmitar jo vetëm i këtij konsumimi, por dhe furnizimit nga krimineli Ergys Agasi, pa paguar as akcizën

Ti që nuk i pranove akuzat e Ish-Zv/Kryeministrit të arratisur Arben Ahmetaj për pronarin faktik të inceneratorit të Tiranës, Erion Veliaj, që sot SPAK e futi në burg!

Ti që i besove Kryeministrit Rama se iranianët vjedhën të dhënat tuaja personale dhe sot dëgjon nga SPAK-u se këtë e bëri një grup ordiner kriminal në AKSHI në krye me Ergy Agasin!

Ti që për ruajtjen e komoditetit tënd i jepje të drejtë absolute SPAK-ut për luftimin e korrupsionit kur ai renditi dhe shpalli të pandehur të gjithë liderët e opozitës!

Sot ke para syve të tu, akuzat e SPAK që aq shumë i besove deri më sot, me dëshmi për korrupsion të Qeverisë Rama që tejkalojnë edhe përmasat e “vjedhjes inteligjente”, ku nga paratë e pallatit të shembur nga tërmeti 5D bënë një hotel, ndërsa nga paratë e urave që nuk ndërtoi dhe tunelit të Llogarasë, si dhe Unazës së Krimit, 5BB bëri 300 apartamente!

Sot ke drejtues të mazhorancës të arrestuar nga SPAK, që tejkalojnë numrin e atyre që janë në detyrë!

Këto janë dhe arsyet e mjaftueshme që Ti, sot në orën 18:00 duhet të dalësh dhe të protestosh duke kërkuar largimin një orë e më parë të kreut të kësaj vjedhje të paparë në historinë e shtetit shqiptar, Edi Rama! Dhe, jo të vazhdosh soditjen sikur në vitin 2005 kur ra Fatos Nano me bandën e tij kriminale, dhe, Ti ishte i pari që kërkove pushtet!

Ndërkohë, aty padyshim do jenë demokratët e palëkundur, ata që janë të qartë që nga lindja, do të jenë aty pavarësisht se çfarë thonë pronarët e mediave, top-hoxhallarë, spiun italianë ose ordiner lezhjan në shërbim të Edi Ramës, sepse në lëkurën e tyre e kanë përjetuar atë që simboli i demokracisë, Azem Hajdari, e ka thënë pa pushuar:

KOMUNIZMI VRET!