Shembet kanali në Britani, anijet mbesin buzë humnerës. Shpallur gjendje e jashtëzakonshme

Në Shropshire është shpallur gjendje e jashtëzakonshme pasi një vrimë e madhe u hap në një kanal. Dy anije ranë në hapje, ndërsa dy të tjera janë varur buzë humnerës. Ekziston gjithashtu frika e përmbytjeve në zonën përreth.

Fotografitë nga vendi i ngjarjes në Whitchurch tregojnë shembjen e plotë të një pjese të kanalit lundrues, raporton BBC. Uji duket se është tharë plotësisht nga vrima që u hap, ku dy anije u fundosën ndërsa dy të tjera mbetën të bllokuara buzë greminës.

Shërbimi i Zjarrfikësve dhe Shpëtimit i Shropshire konfirmoi se kishte ndodhur një rrëshqitje dheu dhe se një kanal ishte prekur.

Policia e West Mercia raportoi se nuk kishte të lënduar dhe u kërkoi qytetarëve të shmangnin zonën dhe të përdornin rrugë alternative.

Ekipet e zjarrfikësve gjithashtu ofrojnë mbështetje për qytetarët në rrugët pranë kanalit lundrues.

Qytetarët menduan se ishte tërmet

Trusti i Kanalit dhe Lumit(Canal and River Trust) e përshkroi incidentin si një shkelje të kanalit, duke theksuar se siguria e pronarëve të anijeve dhe kujtdo që ndodhet aty pranë është përparësia.

“Ne po kryejmë hetime fillestare për shkakun e mundshëm dhe do të japim më shumë detaje në kohën e duhur,” thanë ata përmes një deklaratë duke njoftuar se do të përpiqen të rivendosin nivelin normal të ujit në të dyja anët e vrimës sa më shpejt të jetë e mundur dhe të ofrojnë mbështetje për të prekurit.

Këshilltari lokal në Whitchurch, Andy Hall, tha për BBC-së se incidenti ndodhi rreth orës 5 të mëngjesit. “Dy anije kanë rënë në fund të humnerës, dhe dy anije po rrijnë buzë humnerës dhe mund të bien në çdo moment,” tha Hall duke shtuar se zjarrfikësit do të sigurojnë anijet.

Andy Hall gjithashtu foli dhe për përjetimin e vendasve: “Ata menduan se ishte një tërmet,” tha Këshilltari lokal në Whitchurch, duke shpjeguar se si një sasi e madhe uji kishte rrjedhur në një fushë aty pranë.

“Në të djathtë është fusha ku ndoshta janë derdhur rreth tre milionë litra ujë nga kanali!”

A 50m sinkhole has opened beneath the Whitchurch canal in Shropshire, swallowing narrowboats and forcing more than 10 people to be rescued.

A major incident is declared as crews battle unstable ground and rushing water. #Whitchurch #Shropshire pic.twitter.com/02PIZzlen2

— BPI News (@BPINewsOrg) December 22, 2025

“Kjo është e tmerrshme, isha e shqetësuar.”

Hall konfirmoi se zjarrfikësit kishin ngritur një digë për të ndaluar rrjedhjen e mëtejshme të ujit. “Shqetësimi i tyre më i madh ishte se kanali do të shpërthente edhe më shumë dhe do të përmbyste qytetin,” tha Andy Hall duke bërë të ditur se askush nuk ishte në dy anijet që u fundosën dhe se ekipet e zjarrfikësve kishin shpëtuar njerëz nga anijet që ngelën varur buzë humnerës ndërs përgënejshtroi lajmet në mediat sociale se ishin shembur edhe urat pranë.

Lorraine Barlow, e cila jeton në anijen “The Singing Kettle”, tregoi përvojën e saj.

“Rreth orës 4:20 të mëngjesit të sotëm ndjeva se diçka nuk po shkonte siç duhet, ndjeva sikur po vinte energji elektrike nga poshtë anijes. Dhe flluska, tingëllonte vërtet e çuditshme. Pastaj u anova drejt mesit të kanalit dhe ndjeva litarët të shtrëngoheshin,” tha ajo.

Pasi doli nga anija, Barlow pa zjarrfikësit dhe ekipet e kërkim-shpëtimit.

“Nuk kishte ujë në kanal,” tha ajo ndërsa pa dhe anijen e saj që ishte varur.

“Isha e shqetësuar për anijen time që varej buzë humnerës. Është e tmerrshme, isha e shqetësuar edhe për njerëzit e tjerë.”