“Arrestimi i Ballukut”, Rama: Askush të mos mendojë se ka në dorë gurin dhe arrën për të na goditur!

Kërkesa e SPAK për arrestimin e Zv/Kryeministres dhe ministres së Infrastrukturës, Belinda Ballukut, tashmë është e qartë se nuk është në varësi nga Komisioni i Imunitetit dhe Ligjeve ose largëqoftë Niko Peleshi pasi sot Kryeministri Edi Rama e kishte një mesazh për GJKKO dhe Prokurorinë e Posaçme që proklamonin se po luftojnë korrupsionin në nivelin e lartë, se askush të mos mendojë se ka në dorë gurin dhe arrën për ta goditur Qeverinë Rama!

Ndërkohë për ndryshimet ligjore, sot Edi Rama zbuti tonet dhe tha se ndryshimet ligjore do të bëhet pasi të bëhet votimi i kërkesës së SPAK për heqjen e imunitetit të Belinda Ballukut! Pse?! Tani pritet ta thotë Batoni, meqë Kryeministri i tij bënë sikur nuk shpërfill as SHBA dhe as BE!

“Nuk ndodh në histori që të merret një vendim i tillë. Në vend që të merret një vendim i bazuar në arsye kushtuese, merret i bazuar në politikë. Nuk është thjesht në Shqipëri por dhe në vende më të zhvilluara se Shqipëria. Vijmë te mosvendimi. Çdonjëra nga ato figura që u përmendën të mos jenë vulnerabël. Ne këtë nuk mund ta lejojmë. Kjo s’ka lidhje fare me asnjë cënim të të drejtave që i jep pushteti, pas 100 vitesh. Vazhdojmë ta garantojmë ne deri sa të bëhet një garanci e pakthyeshme nga askush.

Duhet të ketë ndarje tjetër që e vërej me keqardhje. Nuk ekziston në mendjen e gjithkujt. Pse vetëm pushteti gjyqësor është i pavarur, të tjerët janë të varur? Jo! Kushtetuta e thotë qartë, janë 3 pushtete.

Ne jemi të pavarur për të marrë vendime. Vendimet tona janë sovrane dhe nuk ka prokurorë dhe gjykatës që t’i vënë në dyshime. Vendimet për pezullime sikur njerëzit të ishin simite,” tha Edi Rama por që asgjë nuk ka në terezi fletë dhe fakti se vetëm një javë më parë Batoni tha se Belinda Balluku i kishte doërzuar dy herë dorëheqjen dhe sot Rama na thotë se tri herë, duke dëshmuar se ndër të tjera Balluku vërtetë ka punë vetëm dorëheqje duke shkruar.

“Ma ka dorëzuar tre herë dorëheqjen. I kam atje në dosje. Një herë kur iu ngrit akuza, një herë kur iu bë pezullimi i parë dhe herën e tretë kur nuk mori vendim GJK. Unë i kam refuzuar dorëheqjet. Dorëheqje në presion të një fuqi që është futur në pavarësinë e ekzekutivit nuk ka. I jam falënderues që nuk ka persistuar por ka vijuar të marrë gjithë atë baltë në fytyrë sepse nuk i kam pranuar dorëheqjen derisa të plotësohen kushtet, që nuk vendosen nga prokurori mediat apo gjyqi popullor.

Kujt më tregon Gjermaninë apo Danimarkën i them që jemi në kushte tërësisht të ndryshme. Jemi në fazë transformuese dhe përmbysjeje të një sistemi të kalbur të një historia ku tradita ka qenë dhe mbetet problemi më i madh të ndërtuar një sistem demokratik, sepse shkon në të kundërtën e lirisë.

Duke ngritur struktura speciale për të luftuar ne që jemi ata të cilët qeverisim, është shumë e rëndësishme të jemi të vëmendshëm të ruajmë balancën që në mënyrë të përsëritur rrezikon të prishet nga aventurizmi i një prokurori apo gjykatësi,” tha shefi i Belindës dhe Batonit, por ndryshe nga herë të tjera, sot kur kërkon ti arreston Belinda Ballukun nuk i rezulton aq i pavarur ky sistem i drejtësisë që qëndisi vet!

“E kemi aq të pavarur sistemin e drejtësisë sa një gjyqtar lëshon 33 masa arresti dhe harron pa arrestuar veten!”

Deri në momentin që SPAK ka arrestuar liderët e opozitës, njeriu i ulur në fronin e pushtetit fliste me mburrje për punën e SPAK-ut që krijoi vetë, por, sot, kur nuk ka mbetur njeri në opozitë pa u goditur dhe ka filluar arrestimi i hajdutëve në pushtet, Edi Rama po ankohet se pse po kjo Prokurori e Posaçme po i prek administratën publike, madje edhe dittën e Vitit Ri.

“Të kryesh 40 kontrolle banesash ditën e Vitit të Ri do të thotë që nuk ke asnjë kuptim për efektin psikologjik që ka për shoqërinë. Nëse nuk do ta vijojmë përpjekjen nuk do të ketë kurrë drejtësi të pavarur në Shqipëri, kjo është rruga me të gjitha dhimbjet e problemet tona, Ne duhet të bëjmë çmos të ruajmë balancën.

Punonjësit e administratës nuk janë mish për top të askujt dhe shënjestra për të mbushur prokurorët CV-në. Është e pa pranueshme ajo që ndodh në prokuroritë e rretheve me fletët e arresteve që plotësohen si ftesa për dasëm,” tha Kryeministri duke shfaq habinë se si mund të arrestohet një punonjëse administrate me kancer dhe fëmijën 2 muajsh, dhe, jo vetëm në këtë rast, pse kjo administratë po vjedhë kaq hapur madje oreksi për vjedhje është shtuar pas Reformës në Drejtësi:

“Punonjësit e administratës nuk janë mish për top të askujt dhe shënjestra për të mbushur prokurorët CV-në. Është e pa pranueshme ajo që ndodh në prokuroritë e rretheve me fletët e arresteve që plotësohen si ftesa për dasëm. Një punonjëse model e administratës ka 5 vite që lufton më kancerin, ë është me një fëmijë 2 muajsh, nuk mund të arrestohet pa pasur asnjë lidhje, vetëm se institucioni prezumohet se ka lidhej me temën.

Një gjë shumë e saktë dhe insteresante që e kam dëgjuar nga grupi i punës që po punon me Ministrinë e Drejtësisë të Francës dhe Spanjën, ishte ndërhyrja në diskutim i një parësoreje të të drejtës penale, që tha një gjë që është për ta mbajtur vath në vesh:

Në shkrimin e Kodit Penal, demokracitë udhëhiqen nga liria, diktaturat nga heqja e saj, Sipas saj problemi ynë kryesor është që jemi ende me mentalitetin për të hequr lirinë, kur në fakt duhet të jetë për garantimin e saj,” tha sot Edi Rama duke u zotuar se ndryshimet në legjislacion nuk do të bëhen para votimit në Parlament për imunitetin e Belida Ballukut.

“Thirrja jonë e brendshme për gjak, për të parë tjetrin me këmbët lartë kokën poshtë, vjen nga e kaluara për të ardhmen tonë. Ne do ta mbajmë parasysh këtë. Duke e mbyllur dua të them se nisma thjesht dhe vetëm adreson një…ok…boshllëk e quajnë jurisitët, por nuk duhet të shfaqet më që me fuqinë e prokurorit dhe verbërinë e gjykatësit që i shkon nga pas të marrë peng një gjykatë. Kjo është pak dhe thjesht. Rasti konkret është në proces në Kuvendin e Shqipërisë dhe do të trajtohet me përgjegjësinë që kemi si shumicë qeverisëse. Kush i lidh këto të dyja, edhe në aspektin kohor, nëse unë nuk gaboj, Parlamenti do të shprehet për imunitetin dhe më pas me votë për ndryshimet ligjore,| tha Edi Rama duke përfunduar:

“Sot nuk është dita për të folur, do të flasim në momentin e duhur kur të bëhen procedurat. Këto kisha unë.”