Armand Duka zgjidhet për herë të shtatë në krye të FSH, zgjidhet edhe Komiteti Ekzekutiv

Armand Duka është zgjedhur për herë të shtatë në krye të Federatës Shqiptare të Futbollit, FSHF.

Kujtojmë që Armand Duka ishte vetëm në garë, pasi nuk kishte asnjë kandidat përballë tij.

Sot u mbyll procesi i Asamblesë Zgjedhore të FSHF-së, teksa u zgjodhën 10 anëtarët e Komitetit Ekzekutiv.

Anila Basha mori 47 vota pro dhe vetëm një votues abstenoi, Edmond Hasanbelli 44 vota, Armand Cungu 43 vota, Lufti Nuriu 43 vota, Erind Resuli 42 vota, Geri Çipi 41 vota, Blendi Fevziu 40 vota, Envi Hicka 38 vota, Pano Xhixho 33 vota dhe Gjergji Petro mori 27 vota.

U tërhoqën nga gara, Abdyl Kuriu dhe Arben Dervishaj të cilët prej vitesh kanë qenë në Komitetin Ekzekutiv. Dervishaj në mandatin e fundit ka qenë edhe zëvendëspresident i FSHF-së./Panorama/