Dita e Pavarësisë, Rubio: SHBA, mbështetje sovranitetit dhe integritet territorial të Kosovës
Duke uruar qytetarët e Kosovës me rastin e Ditës së Pavarësisë, Sekretari amerikan i Shtetit, Marco Rubio, riafirmon mbështetjen e palëkundur të Shteteve të Bashkuara për sovranitetin dhe integritetin territorial të Koosvës.
“Shtetet e Bashkuara mbeten të palëkundura në mbështetjen e tyre për sovranitetin dhe integritetin territorial të Kosovës, dhe mezi presim të zgjerojmë lidhjet ekonomike që do të rrisin prosperitetin e të dy kombeve tona,” thekson Marco Rubio në mesazhin e urimit duke vlerësuar mbështetjen e Kosovës për përpjekjet e SHBA-së për t’u përballur me sfidat globale dhe mirëpret udhëheqjen kosovare si Anëtare Themeluese e Bordit të Paqes ndërsa përfundon:
“Ndërsa Kosova shënon këtë përvjetor të rëndësishëm, mezi presim një bashkëpunim edhe më të fortë në vitet në vijim. Shtetet e Bashkuara qëndrojnë me Kosovën ndërsa ajo vazhdon të ndërtojë një të ardhme të sigurt dhe të begatë.”
Ndryshe, një ditë më parë, Presidenti i Shteteve të Bashkuara, Donald J. Trump, ka uruar Kosovën me rastin e 18 vjetorit të shpalljes së Pavarësisë duke rikonfirmuar mbështetjen e palëkundur të SHBA për sovranitetin dhe integritetin territorial të Kosovës.
