McAllister në Tiranë: “Balluku” çështje e Qeverisë, protestat e dhunshme shqetësim i BE-së

Sot Kryetar i Komisionit për Punët e Jashtme në Parlamentin Europian, AFET, David McAllister, me qëndrimet e tij dëshmoi se nuk ka ndryshuar aspak nga viti 2017 kur dëmtoi opozitën shqiptare që as deri më sot nuk e mori veten dhe i mundësoi pushtet absolut Edi Ramës dhe partisë së tij kriminale.

David McAllister sot çuditërisht tha se nuk mund të komentoj çështjen “Balluku” edhe e pranoi se ishte mirë i informuar, dhe, duhet të zgjidhet brenda qeverisë shqiptare, ama sërish vetëm për opozitën kishte vërejtje dhe protestat që ajo i bënë

“Kjo çështje ka pasur një rol gjatë vizitës dhe takimeve tona në Shqipëri. Nuk jam në pozicion të komentoj një çështje individuale, por do të them se çështja që përfshin zv/kryeministren Balluku është test kritik për Shqipërinë në luftën e saj kundër korrupsionit. Po vij nga Brukseli dhe kam dijeni mbi rastin, por nuk do të përfshihem në çështjet ligjore të këtij rasti,” tha David McAllister për çështje “Balluku” për të cilën, ndonëse krimi i hapur shtetëror, tha se duhet të ketë përgjegjësi politike dhe për zgjidhjen u tregua aq i çuditshëm si në vitin 2017 ku me çdo çmim i kërkonte opozitës të mbyll Çadrën e Lirisë.

“Kjo është gjithashtu një pyetje për përgjegjësinë politike dhe duhet të zgjidhet brenda qeverisë shqiptare!”

Dhe, ndonëse nuk kishte asnjë vërejtje për Qeverinë dhe Edi Ramës, nuk i mungonte oreksi të kritikoj opozitën. Bashkimi Europian është i shqetësuar për polarizimin politik, tha McAllister, dhe kritikoi protestat e dhunshme të opozitës që nuk dihet se i ka pa si të tilla, duke theksuar se nuk kanë vend në një shtet demokratik.

“Nisëm vizitën tonë në Podgoricë të hënën dhe dje kishim vizita me kryeministrin Rama. Sot takimet ishin në nivel Parlamenti. Komiteti për Punët e Jashtme po pounon në lidhje me raportin për Shqipërinë që do të prezantohet javën tjetër në Bruksel në PE.
Ashtu siç e përmenda, kishim takim me Ramën dhe ministren e Jashtme Spiropali, Peleshin, Igli Hasanin, dhe liderë të partive opozitare.
Mbështesim fuqimisht Shqipërinë në rrugëtimin europian dhe njohim rezultatet e forta që keni pasur.
Hapja e të gjitha kapitujve në vetëm 13 muaj është arritje e madhe.
Nuk ka vend për vetëkënaqje, Shqipëria duhet të punojë edhe më shumë në këtë fazë për të përmbushur detyrimet.
Integrimi mbështetet në merita. Jemi të shqetësuar për polarizimin politik, këshillojmë dialog politik dhe mazhoranca t’i ofrojë hapësira opozitës, opozita duhet të përfshihet më shumë në dialog. Protestat e dhunshme nuk kanë vend në një vend demokratik.”

Madje McAllister nuk e tha as edhe një gjysmë fjale për zgjedhjet e 11 Majit që vetëm zgjidhje nuk ishin as për OSBE/ODIHR-in, por u kujtua për rekomandimet e këtij institucioni zgjedhor vetëm kur foli për reformën zgjedhore që ka nisur.

“Ka ende shumë për t’u bërë me komunitetin shqiptar dhe në zbatimin e këtij legjislacioni. Dëshiroj të ngre tre argumente që janë të rëndësishme për Parlamentin Europian. Ekziston nevoja për të ruajtur forcën lëvizëse në luftën kundër korrupsionit. Shumë është arritur në këtë fushë, por ende nuk është në nivelin e kënaqshëm. Shqipëria ka humbur 11 vende sipas Transparency International. Duhet të mos ketë ndërhyrje politike dhe politikanët duhet të japin shembullin duke mos ndërhyrë.

Duam të shohim një reformë reale në fushën zgjedhore, e cila të bëhet në kohë të mjaftueshme para zgjedhjeve dhe të jetë gjithëpërfshirëse. Duhet të hyjnë në zbatim të plotë rekomandimet e OSBE/ODIHR-it. Së treti, dëshirojmë të shohim më shumë përpjekje për lirinë e shprehjes dhe pluralizmin mediatik. Kërkohet transparencë edhe nga drejtuesit e mediave, si dhe mbrojtje e gazetarëve nga politika dhe nga sulmet.

Të gjitha këto kërkojnë bashkëpunim konstruktiv. Nuk mjafton vetëm miratimi i legjislacionit; që të ndihen efektet, reformat duhet të vihen në zbatim. E vlerësoj shumë punën e Shqipërisë në kuadër të politikës europiane.”

Në fund, për të dëshmuar qartë se nuk mbështetë opozitën, McAllister nuk kishte as edhe një fjalë për propozimet e Edi Ramës lidhur me ndryshimin e Kodit të Procedurës Penale, më konkretisht të nenit 242, për pezullimin e ministrave dhe të zyrtarëve të lartë, dhe këtë ia la mbi kurriz Ambasadorit të BE në Tiranë ndërsa dha një arsyetim të çuditshëm pse nuk takoi Kryetarin e PD, Sali Berisha.

“Siç e dini ne i ndjekim nga afër të gjitha nismat që kanë lidhje me shtetin ligjor. Edhe që të mos prekin parimet e Reformës në Drejtësi të vitit 2016. Dhe presim që qeveria shqiptare të konsultohet me ne për çdo iniciativë,” tha kreu i delegacionit të BE në Tiranë, Silvio Gonzato, ndërsa Kryetari i Komisionit për Punët e Jashtme në Parlamentin Europian, David McAllister, dha një arsyetim prej komunisti pse nuk takoi Sali Berishën dhe tregoi atë që nuk e pyeti njeri, kë takoi:

“U takova me Bardhin, Tabakun dhe Vokshin, por nuk do të takohem me Berishën sepse do të iki në aeroport.”