Bordi i Paqes, Trump: Kosova dhe Serbia, nëse nuk shkoni mirë më merrni në telefon!
Presidenti i Shteteve të Bashkuara, Donald Trump, e nisi takimin inaugurues në Washington duke u përshëndetur me të ftuarit përfshirë këtu edhe Presidenten e Kosovës, Vjosa Osmani dhe Kryeministrin Edi Rama, dhe më pas bënë një foto familjare.
Ndërsa përshëndeti me radhë liderët prezent, Presidenti amerikan Donald Trump kur përmendi emrin e Presidentes së Kosovës, Vjosa Osmani, duke e falënderuar për pjesëmarrjen në inaugurimin e Bordit të Paqes tha se po bën një punë të shkëlqyer.
“Shumë njerëz po na ndjekin, duke qenë se kemi një grup të madh liderësh edhe ata që nuk janë këtu. Shpresoj që po e shijojnë. Vlerësim për anëtarët e medias.
Ky është quajtur Bordi i paqes, është fjalë e lehtë për tu thënë por e vështirë për t’u provuar paqja. Disa nga liderë më kanë ndihmuar në vitin e parë të punës kemi zgjedhur plot luftëra. Kam menduar se do të ishte më e lehtë, por është më e vështira.
E vlerësoj shumë që jeni këtu, jeni liderë të mëdhenj. Janë të gjithë krenarë për të, kemi ndërtuar në mandatin tim të parë vendin tonë në një pikë SHBA s’e ka parë më parë.
Pra suksese që u arritën në fillim më thanë se nuk mund të realizohej as për 4 vjet, por në fakt u arrit për një vit. Bordi është një nga gjërat më të mëdha. Jemi përfshirë me njerëzit që janë këtu për ti dhënë fund luftërave,” u shpreh Presidenti Trump.
Për shumicën e shteteve lideri i të cilit ishte prezent në këtë ceremoni inaugurimi, Donald Trump foli për ndërhyrje në problemet që kishin, ku përmendi dhe konfliktin e Kosovës me Serbisë.
“Kosova dhe Serbia, edhe atë e zgjidha. Kosova dhe Serbia, kemi bërë punë të jashtëzakonshme. Nëse nuk shkoni mirë më merrni në telefon do ta zgjidhim!”
Ndryshe, Presidenti amerikan Donald Trump teksa hapi takimin e inaugurimit të Bordit të Paqes për Gazën në Washington, me pjesëmarrjen e 40 liderëve botërorë që kanë firmosur pjesëmarrjen, tha se ka për qëllim vetëm vendosjen e paqes, kujtoi se si arriti të pushonte disa prej luftrave, tetë prej bëheshin prej vitesh, madje disa prej tyre me mbi 30 vite luftime, ndërsa theksoi se disa liderë nuk janë pjesë e Bordit sepse bëjnë naze dhe disa të tjerë nuk do i pëlqente të ishin pjesë sepse janë telash.
