Arrestohen edhe në Ambulancë, 17 protestues të arrestuar, 35 nën hetim! Asnjë polic i arrestuar!
Nona e dhunës në Protestën Kombëtare të Partisë Demokratike mbrëmjen e 20 Shkurtit ishte Policia e Edi Ramës, dhe, për herë të parë që nuk gënjejnë se ka policë të lënduar, PD raporton se ka protestues të arrestuar edhe në ambulancë ndërsa ishin nisur drejt Spitalit Traumës.
Kështu, në përfundim të protestës së opozitës mbrëmjen e 20 shkurtit, janë shoqëruar gjithsej 52 persona në ambientet e Policisë së Tiranës. Nga këta, 17 persona janë arrestuar, ndërsa 35 të tjerë po hetohen në gjendje të lirë.
Edhe në këtë protestë, Policia e Edi Ramës reagoi pasi përfunduan fjalime dhe gjuajtjet me koktej molotov dhe fishekzjarre në drejtim të godinës së Kryeministrisë, ndërsa protestuesit po largoheshin për tu zhvendosur tek Parlamenti, kur një mal me gaz lotsjellës u hodhë mbi ta, Pra, jo kur u cenua institucioni!
Më pas protesta u zhvendos drejt Parlamentit të Shqipërisë. Edhe në këtë zonë pasi pushoi hedhja e disa molotovëve dhe fishekzjarreve policia ndërhyri me gaz lotsjellës jo për të shpërndarë protestuesit sepse ata ishin shumë larg parlamentit tashmë, por gazi nuk u shkoi dëm sepse arritën të largojnë besimtarët nga Xhamia e Namazgjasë që po kryenin ritet e tyre me rastin e muajit të bekuar të Ramazanit, kur xhamia u pushtua nga gazi.
Ndërkohë u lënduan edhe protestuesit nga zona e pushtuar me gaz lotsjellës që u dërguan për ndihmë mjekësore në spitalin e Traumës, ku, mesin e të lënduarve ishte edhe deputeti i PD, Luçiano Boçi, i cili përfundoi në urgjencën e QSUT-së pas një dëmtimi që pësoi në tre gishta.
Policia e Edi Ramës ndaloi shumë gjëra mbrëmjen e 20 shkurtit por kamerat nuk i ndaloi dot edhe pse poshtë Xhamisë së Namazagjasë u sulmuan mediat me topa uji që po filmonin dhunën policore.
Kreu i grupit parlamentar të PD, Gazment Bardhi, nga Komisariati Nr. 1, tha për mediat se një prej protestuesve të shoqëruar është dhunuar nga policia dhe, sipas tij, është mbajtur në komisariat në kundërshtim me ligjin, edhe pse kishte nevojë për ndihmë mjekësore. Pas ndërhyrjes së deputetëve të opozitës, tha ai, personi në fjalë është transportuar me ambulancë drejt Spitali Universitar i Traumës për trajtim.
Syri i kameras kapi dhe një protestues pran Urës së Lanës tek selia e PD, që u godit me bombolë gazi në kokë. Nuk kuptohet kjo goditje edhe nga ekspert normal të sigurisë pse ishin shqetësuar Policia e Edi Ramës kur i vetmi institucion që mund të dhunohej ishte Partia Demokratike, ndërkohë me te Policia kishte mbaruar punë, e kishte përmbytur në gazë!
Pas mesnatës, Kryetari i PD, Sali Berisha, pasi vizitoi protestuesit e lënduar në Spitalin e Traumës, tha se njëri është goditur me shqelm në kokë gjatë arrestimit dhe ka hematoma të shumta ndërsa tjetri u qëllua në kokë me një granatë gazi lotësjellës, duke marrë dëmtime të rënda.
“Ne do i identifikojmë këta. Këta nuk do konsiderohen më forca rendi, por do të konsiderohen banditë dhe do të marrin përgjigje si banditë kudo që të jenë,” tha Kryetari i Partisë Demokratike, Sali Berisha nga Spitali i Traumës.
Ndryshe, ata që i dhuruan dhunë shqiptarëve mbrëmjen e 20 shkurtit 2026, Policia e Edi Ramës, nuk raportohet se janë arrestuar, as të paktën ata që arrestuan protestuesin në ambulancë, atë që goditi të riun në kokë me bombolë gazi, madje as ata që sulmuan mediat në krye të detyrës!
Nuk keni parë gjë akoma!
