Raporti për Shqipërinë, PE: Korrupsioni problematik, kërkohen hetime të nivelit të lartë dhe dënime!

Pas delegacionit të Parlamentit Evropian dhe misionit faktmbledhës të Partisë Popullore Evropiane në Tiranë, siç duket i paqartë ngeli vetëm Kryetari i Komisionit të Jashtëm të PE, AFET, David McAllister, Komision i cili sot diskutoi Raportin për Progresin e Shqipërisë në rrugën e integrimit europian.

“Artikulli numër 21, do të vazhdojmë për draft raportin për Shqipërinë. Shqipëria i ka hapur të gjitha kapituj dhe është në pritje të raportit. Shqipëri duhet të vazhdojë edhe më tej të punojë për të shkuar më tej drejt procesit të anvancimit. Çdo vend ecën në mënyrë individuale në këtë proces.

Duhet parë ndryshimi i madh për qytetarët, vlerësojmë se të gjitha forcat politike kanë pasur interes drejt procesit të integrimit. Inkurajojmë dialog politik është me rëndësi që edhe mazhoranca të krijojë hapësira për opozitën dhe opozita të bëhet më bashkëpunuese në interes të popullit dhe të demokracisë. Ne kemi parë progres në Shqipëri. Kemi bërë vizitë në Shqipëri ashtu si edhe pak ditë më parë ku kemi vënë edhe progreset,” tha David McAllister duke mbështetur Edi Ramën shumë më hapur se sa në vitin 2017 kur fundosi Partinë Demokratike, por, Raportuesi për Shqipërinë në PE, Andreas Schieder, foli për një shtet thuase McAllister nuk ishte me të. Duke konstatuar praninë e çështjeve të korrupsionit ngelet problematike, Raportuesi Schieder tha se kërkohen hetime të nivelit të lartë dhe dënime.

“Ka presion ndaj votuesve, ka polarizim. Javët e fundit është radikaliauar duke u përpjekur për të bërë protesta në rrugë. Sa i takon korrupsionit, reforma po ecën. Shqipëria ka bërë progres, por ka ende punë. Kërkohen hetime të nivelit të lartë dhe dënime, pasi ka çështja e korrupsionit ngelet problematike.”

Ndërsa anëtari i Komisionit për Punët e Jashtme në Parlamentin Europian, eurodeputeti Michael Gahler ishte edhe më i prerë dhe foli me terma konkret. Vizita e fundit në Shqipëri, tha ai, dha një pasqyrë të qartë mbi situatën në terren, duke theksuar se progresi duhet të matet me rezultate konkrete dhe jo me deklarata politike.

Duke nënvizuar shqetësimet e shoqërisë civile për praninë e strukturave të rrënjosura korruptive dhe të lidhura me krimin e organizuar, që shtrihen deri në nivelet më të larta të pushtetit, Gahler foli edhe emra duke sjell si shembull rastin e Belinda Ballukut, ku pavarësisht vendimit të Gjykatës Kushtetuese që i jepte të drejtë veprimi SPAK, mazhoranca refuzoi heqjen e imunitetit.

“Edhe unë pata kënaqësinë të marr pjesë në këtë vizitë javën e kaluar. Falënderoj kolegun Shieder, si edhe raportuesin e EPP-së, dhe jam pothuajse plotësisht dakord me gjithçka që u tha. Mendoj se vizita në Shqipëri ofroi një pasqyrë të qartë dhe të vlefshme mbi situatën në terren.

Kryeministri, gjatë darkës ku na ftoi, ishte në formë shumë të mirë dhe takimi ishte mjaft i këndshëm. Megjithatë, kjo nuk duhet të na shpërqendrojë nga vlerësimi objektiv i realitetit, veçanërisht në lidhje me kapitujt e negociatave që janë hapur apo mbyllur. Siç u theksua me të drejtë, “prova e pudingut është në të ngrënë”, pra, ajo që ka rëndësi është zbatimi konkret në praktikë dhe rezultatet reale në terren.

Përshtypja ime, e cila shkon përtej takimeve që zhvilluam si me përfaqësuesit e mazhorancës, ashtu edhe me ata të opozitës është se informacionet dhe shqetësimet e ngritura nga organizatat e shoqërisë civile ishin veçanërisht domethënëse. Ato nxorën në pah ekzistencën e strukturave të rrënjosura që nuk mund të bëhen pjesë e Bashkimit Evropian duke vazhduar të funksionojnë si më parë. Ekzistojnë struktura korruptive dhe aktivitete të krimit të organizuar që, sipas të dhënave të paraqitura, shtrihen deri në nivelet më të larta të pushtetit,” tha eurodeputeti Michael Gahler i bindur se rasti Balluku është një ilustrim i qartë në këtë drejtim ndërsa përfundoi:

“Pavarësisht se Gjykata Kushtetuese u shpreh se SPAK kishte të drejtë të vepronte, mazhoranca refuzoi të heqë imunitetin. Kjo, në vlerësimin tim, tregon qartë qëndrimin e saj kur bëhet fjalë për përballjen me pretendime serioze dhe hetime në këtë fushë.

Kjo situatë duhet të ndikojë edhe në qëndrimin tonë. Duhet të insistojmë që parimi i shtetit të së drejtës të zbatohet pa përjashtim për të gjithë dhe që strukturat problematike të çmontohen përpara çdo anëtarësimi. Struktura të tilla nuk duhet të bëhen pjesë e Bashkimit Evropian.”