Sot në orën 18:00, protestë kombëtare ndryshe e PD

“Ne tani kalojmë në forma të ndryshme protestash, i diversifikojmë, kemi kreativitet. Do të eksplorohen forma të reja,” tha Kryetari i Partisë Demokratike, Sali Berisha, duke paralajmëruar pjesëmarrje masive, por nuk është kjo arsyeja e vetme pse demokratët e zhgënjyer me jetën mizerabël në shtetin e Edi Ramës duhet të marrin pjesë sot në protestën e cila mbahet në orën 18:00 para Kryeministrisë në Tiranë, por, sot, meqë nuk ka folës, ata janë të sigurt se duke kërkuar largimin e Edi Ramës, nuk do t’ju dalë një sorosist si në protestën e fundit që t’ju tregoj se ku do të shkoj sakrifica e tyre!

Sot largimi i Edi Ramës është më i rëndësishëm se kurrë edhe pse shkarkoi simbolin e korrupsionit të kësaj qeverie, Zv/Kryeministren dhe Ministren e Infrastrukturës, Belinda Balluku, sepse korrupsioni dhe vjedhja nuk kanë pushuar ndonësu u larguan kriminelë si Saimir Tahiri, Ilir Beqja, Lefter, Arben Ahmeti dhe Erion Veliaj etj.

Sot, demokratët nuk duhet të kenë frikë të protestojnë duke kërkuar largimin e Edi Rama edhe pse në krye të Ministrisë së Brendshme, Kryeministri Rama vendosi një njeri si Besfort Ramllari i cili dëshmoi vlerat e tij të egërsisë ndaj demkratëve edhe kur ishte Zëvendësi i Gjeneralit famëkeq Sandër Lleshaj i cili braktisi karrierën ushtarake dhe erdhi në krye të Ministrisë së Brendshme, për të terrorizuar dhe helmuar me gaz lotsjellës të gjithë kundërshtarët politikë të Edi Ramës.

Sot demokratët duhet të jenë më të vendosur se kurrë dhe të marrin pjesë në protestën e PD në Bulevardin Dëshmorët e Kombit në Tiranë edhe pse Policia e Shtetit paralajmëron terror policor ashtu si në protestën e fundit, kur tha se nuk merr përsipër garantimin e zhvillimit të tubimit me pretekstin se kishte incidentet e akte dhune dhe përdorim të mjeteve të rrezikshme ndaj punonjësve të Policisë, si dhe pjesëmarrje të personave të maskuar, kur u pa qartë se si u përdor gazi lotsjellës edhe kur protestuesit po largoheshin nga Kryeministria dhe në kohën kur ata ende nuk kishin mbërri para Parlamentit, dhe, kush ishin personat e maskuar në tubim dhe cili ishte qëllimi i tyre i vetëm, arrestimi i protestuesve!

Njoftimi:

Përfaqësues të subjektit politik Partia Demokratike e Shqipërisë kanë njoftuar Policinë e Tiranës për zhvillimin e një tubimi, më datë 28.02.2026, në orën 18:00, para Kryeministrisë.

Nisur nga incidentet e ndodhura gjatë tubimit të mëparshëm, ku u evidentuan akte dhune dhe përdorim i mjeteve të rrezikshme ndaj punonjësve të Policisë, pjesëmarrja e personave të maskuar dhe përdorimi i të miturve në tubim, si dhe nga informacionet e siguruara mbi mundësinë e përsëritjes së veprimeve të tilla, Policia e Tiranës i ka kthyer përgjigje subjektit politik se nuk merr përsipër garantimin e zhvillimit të tubimit.

Pavarësisht përgjigjes së kthyer, Policia e Tiranës, në përmbushje të detyrave funksionale, ka marrë të gjitha masat për garantimin e rendit dhe sigurisë publike në qytetin e Tiranës, mbrojtjen e institucioneve shtetërore, si dhe për lëvizjen e lirë të automjeteve dhe qytetarëve, në rast se tubimi do të zhvillohet.

Policia e Tiranës apelon për qytetarët që, nëse ndeshen me veprime të dhunshme, të distancohen dhe të denoncojnë çdo paligjshmëri që konstatojnë.