Arben Ahmetaj në arrati, SPAK mbyll hetimet dhe merr të pandehur Ish-Zv/Kryeministrin për korrupsion dhe pastrim parash

Prokuroria e Posaçme kundër Korrupsionit dhe Krimit të Organizuar, SPAK, ka mbyllur hetimet që përfshijnë Ish-Zv/Kryeministrin Arben Ahmetaj për çështjen e inceneratorit të Elbasanit.

Arben Ahmetaj është marrë zyrtarisht i pandehur për veprat penale “korrupsion pasiv”, “pastrim parash” dhe “fshehje e pasurisë”.

Ndërkohë, akuza zyrtare u është komunikuar edhe bashkëjetueses së tij, Erjola Hoxha, si dhe ish-bashkëshortes Albina Mançka.

Ndryshe, Arben Ahmetaj pasi ai u arratis u shpall në kërkim nga Prokuroria e Posaçme prej muajit korrik të vitit 2023, ndërkohë që organi akuzës ka vendosur në sekuestro disa prona në emër të tij dhe familjarëve të tij.