Mbyllja e TikTok cenoi lirin e shprehjes, Edi Rama: Gjykata Kushtetuese mendoka që 90% e prindërve…
Sikur Kryetari i Këshillit të Ministrave të Republikës së Shqipërisë, Edi Rama, të reagonte ndaj shqetësimeve të qytetarëve siç reagon ndaj Vendimeve të gjykatave shqiptare që vazhdojnë të konstatojnë paligjshmëri të kësaj qeverie, kryeministrit dhe ministrave të saj, sot shqiptarët nuk do të kishin shqetësime!
Këtë sjellje shqiptarët e panë edhe ndaj Vendimit të fundit të Gjykatës Kushtetuese për mbylljen e TikTok-ut nga Edi Rama, Vendim i cili nuk tha asgjë më shumë se sa mendon çdo shqiptar, me përjashtim të Kryeministrit të Kontestimit të Vendimeve Gjyqësore!
“Gjykata Kushtetuese mendoka që 90% e prindërve dhe mësuesve shqiptarë ishin gabim kur kërkuan mbylljen e TIKTOK-ut!
Fatmirësisht ne e rihapëm TIKTOK-un vetëm falë mirëkuptimit që gjetëm tek kompania për masat extra që u morën prej saj, pikërisht nga impakti i mbylljes, se të ishte për Gjykatën Kushtetuese, s’do ishte mbyllur fare dhe as masat pozitive s’do kishin ardhur dot,” tha sot Edi Rama në reagimin e tij përmes rrjetit social X ndonëse nuk i bëri publike të dhënat kur iu kërkuan se për cilin 90% e ka fjalën, kur një fakt i tillë nuk ekzistonte, ndërsa përfundon:
Gjykata Kushtetuese mendoka që 90% e prindërve dhe mësuesve shqiptarë ishin gabim kur kërkuan mbylljen e TIKTOK-ut!
— Edi Rama (@ediramaal) March 11, 2026
Fatmirësisht ne e rihapëm TIKTOK-un vetëm falë mirëkuptimit që gjetëm tek kompania për masat extra që u morën prej saj, pikërisht nga impakti i mbylljes, se të…
“Falë asaj mbylljeje sot prindërit dhe mësuesit mund të jenë pakëz më të lehtësuar, ndërsa falë këtij vendimi që s’dua t’ia ve emrin që ka, shpifësit mund të ndjehen të inkurajuar,”
Sidoqoftë, ndryshe nga Edi Rama i cili nuk dihet ende se ku frymon, sa i përket mbylljes së TikTok-ut në Shqipëri në prag të zgjedhjeve të 11 Majit 2025, qartësisht për shkak të pamundësisë për të vendos kontroll mbi denoncimet e korrupsionit të qeverisë që opozita bënte përmes rrjetit social TikTok, Kryeministri Edi Rama vendosi të bllokoi këtë rrjet social duke e akuzuar për ndikim negativ që kishte në rininë shqiptare; Ndikim të cilin ai dhe qeveria e tij nuk e panë me përfundimin e zgjedhjeve parlamentare!
Sot, në po këtë Shqipëri, në përfundim të shqyrtimit të çështjes, me arsyetimet, Gjykata Kushtetuese vendosi:
1. Pranimin pjesërisht të kërkesës.
2. Konstatimin e cenimit të lirisë së shprehjes dhe të lirisë së shtypit si rezultat i zbatimit të Vendimit të Këshillit të Ministrave nr.151, datë 06.03.2025 “Për marrjen e masave të përkohshme për shmangien e ndikimeve negative të platformës on-line ‘Tik-Tok’”.
Vendimi përfundimtar do të shpallet i arsyetuar brenda afareve ligjore të parashikuara nga ligji nr.8577, datë 10.02.2000 “Për organizimin dhe funkisonimin e Gjykatës Kushtetuese të Republikës Shqipërisë”, i ndryshuar dhe nga Rregullorja për Procedurat Gjyqësore të Gjykatës Kushtetuese.
