“Imuniteti i Ballukut”, 82 deputetë socialistë i duatrokasin krimit

Pas leximit të dy Raporteve, një i PD dhe një i PS, nga Këshilli i Mandateve dhe Imuniteteve, me 47 vota për dhe 82 kundër, Parlamenti i Shqipërisë nuk miratoi dhënien e autorizimit nga Parlamenti për arrestimin e deputetes Belinda Balluku.

Askush nuk priste një votim ndryshe pasi qëndrimi i PS ishte paralajmëruar nga Edi Rama, por e veçanta e këtij votimi ishte, se me përfundimin e kësaj mbrojtje paralamentare të të pandehurës Belinda Balluku, që të gjithë 82 deputetët që votuan kundër kërkesës së SPAK, i bënë të qartë institucioneve të Drejtësisë së Re që krijuan vetë, se nuk janë më me Drejtësinë, por, me krimin!

Ndryshe, pasi prezantuan provat e reja për Belinda Ballukun dhe pasi janë dëgjuar nga anëtarët e Këshillit për Rregulloren, Mandatet dhe Imunitetin, tre prokurorët e SPAK, Klodian Braho, Dritan Brençi dhe Dorina Bejko e bënë të qartë se pozita e Ish/Zv/Kryeministres Belinda Balluku ishte rënduar dhe rrezikon deri në 35 vite burg.

“Në masat e para të kërkuara znj. Balluku rrezikonte deri në 10 vite burg! Sot që flasim situata e saj është rënduar, dhe me akuzat e prokurorisë në këtë moment znj. Balluku rrezikon deri në 35 vite burg,” deklaruan Prokurorët e SPAK para Këshillit për Rregulloren, Mandatet dhe Imunitetin, ku u pa qartë nga pyetjet se deputetët socialistë se ata ishin kot aty, ose më saktë pikërisht ashtu siç u kisht e thënë pronari i tyre, Edi Rama!