Edi Rama mbron Ballukun, Ambasada Gjermane: Kusht i domosdoshëm për progres, ndjekja penale pa pengesa!
Pas vendimit të sotëm të Parlamentit të Edi Ramës për të hequr imunitetin e të pandehurës Belinda Balluku, ka reaguar Ambasada Gjermane në Tiranë duke theksuar se mbështet procesin e integrimit të Shqipërisë në BE, për të cilin kush i domosdoshëm është ndjekja penale e korrupsionit edhe në raste të rangut të lartë, shpejt dhe pa pengesa.
“Gjermania mbështet procesin e integrimit të Shqipërisë në Bashkimin Evropian në përputhje me dëshirën e shqiptarëve.
Kusht i domosdoshëm për të bërë progres në këtë proces të bazuar në merita është ndjekja penale me efektivitet e korrupsionit edhe në raste të rangut të lartë,” tha Ambasada Gjermane në Tiranë e zhgënjyer me votimin në Parlament që kundërshton kërkesën e SPAK për arrestimin e Ish-Zv/Kryeministres dhe Ministres së Infrastrukturës, Belinda Balluku, ndërsa i bënë të qartë edhe pritshmëritë:
“Pritshmëria jonë e qartë është që edhe në këto raste ndjekja penale përmes drejtësisë të mund të realizohet shpejt dhe pa pengesa. Prej politikës shqiptare vazhdon të kërkohet ende që ta garantojë këtë proces.”
Ndryshe, pas kërkesës së SPAK-ut drejtuar Parlamentit për arrestimin e Zv/Kryeministres dhe Ministres së Infrastrukturës dhe Energjisë, Belinda Balluku, Prokuroria e Posaçme solli para Këshillit të Mandateve dhe Imunitetevedëshmi mbi shkeljet e Ballukut si dhe intimidimet e dëshmitarëve për të hequr dora nga dëshmitë e tyre para GJKKO.
Partia Demokratike me 47 deputetët e saj kërkoi dhënien e autorizimit për arrestimin e Belinda Ballukut, por ishin 82 deputetët e Partisë Socialiste që konfirmuan atë që ishte shprehur qartë Edi Rama para Grupit Parlamentar se nuk do ta lejoj arrestimin e Ballukut që tashmë e ka shkarkuar nga petku i Zv/Krteministres dhe Ministres!
