Vendimi i Komitetit të Rajoneve të BE, Kosova mirëpret heqjen e fusnotës

Komiteti i Rajoneve i Bashkimit Evropian ka vendosur të heqë asteriskun dhe fusnotën nga përdorimi për Kosovën në dokumentet e tij zyrtare, me qëllim që terminologjia të harmonizohet me atë të Parlamenti Evropian.

Duke mirëpritur Vendimin, Zv/Kryeministri dhe ministri i Punëve të Jashtme, Glauk Konjufca, tha se ndërprerja e e përdorimit të termit “Kosova*” dhe fusnotës shoqëruese në dokumentet publike, e afron këtë institucion me qëndrimin e Parlamentit Evropian dhe sjell më shumë qartësi institucionale në lidhje me perspektivën evropiane të Kosovës.

“Ne mirëpresim vendimin e Komitetit të Rajoneve për të ndërprerë përdorimin e ‘Kosovo*’ dhe fusnotës shoqëruese në dokumentet e tij publike. Ky hap e rreshton Komitetin me Parlamentin Evropian dhe pasqyron një qartësi më të madhe institucionale sa i përket perspektivës evropiane të Kosovës,” shprehet Glauk Konjufca përmes rrjetit social X duke falënderuar Kryetaren e Grupit të Punës për Kosovën në Komitetin e Rajoneve dhe raportuese për zgjerimin, Gillian Coughlan, për mbështetjen e saj parimore dhe angazhimin e vazhdueshëm për Kosovën.