Ambasada e SHBA, 18 vjetori i misionit në Kosovë

Më 8 prill të vitit 2008, Shtetet e Bashkuara e ndryshuan zyrtarisht statusin e tyre diplomatik në Kosovë. Misioni i SHBA-së në Prishtinë u transformua nga një Zyrë në Ambasadë, me titull zyrtar të misionit, Ambasada e SHBA-së në Prishtinë.

Në përvjetorin e kësaj dite, Ambasada amerikane në Prishtinë thekson rëndësinë e këtij hapi në konsolidimin e marrëdhënieve diplomatike mes dy vendeve.

“Me Kosovën zyrtarisht si një shtet i pavarur dhe vendosjen e marrëdhënieve diplomatike, hapi tjetër ishte të reflektohej kjo marrëdhënie në praninë tonë diplomatike. Më 8 prill 2008, statusi i Misionit të SHBA-së në Prishtinë ndryshoi zyrtarisht nga Zyra e SHBA-së në Ambasadë të SHBA-së. Si rezultat, titulli zyrtar i misionit u bë Ambasada e SHBA-së në Prishtinë,” shprehet Ambasada amerikane në Prishtinë në përkujtimin e kësaj dite të rëndësishme përmes rrjetit social Facebook duke përfunduar:

“Ky ndryshim pasoi vendosjen e marrëdhënieve diplomatike midis Shteteve të Bashkuara dhe Republikës së Kosovës më 18 shkurt 2008, një ditë pas shpalljes së pavarësisë së Kosovës më 17 shkurt 2008.”