Seancë interpelancash, kush pret përgjigje është i marrë!

Në Parlamentin e Shqipërisë sot janë parashikuar 4 interpelanca duke e shndërruar seancën plenare në seancë interpelancash të pavlerë, ndonëse dikush mendon se brenda një seancë mund të trajtohen çështje me Kryeministrin Edi Rama që e ka shpërfill këtë institucion nga momenti që ka shkelë këmba e tij, si dhe mëkëmbësit e tij, Ministri i Mbrojtjes, Ministrja e Arsimit, Zv/Kryeministrja Albana Koçiu, dhe që ironia të jetë e pështirë u shoqërua me fjalën e degraduar nga po kjo mazhorancë: Urgjente!

Ai që mendon se do të gjejë qoftë dhe një përgjigje nga ky onturazh që zhvlerësoi dhe konceptin “shtet”, është i marrë; Ose me saktë, as njëri ndër neurokirurgët më të njohur në botë, Prof.Dr.Mentor Petrela, nuk mund ti bëjë derman.

Ndryshe, seanca e sotme ka këtë Rend të Ditës:

SEANCË PLENARE PUBLIKE
E enjte, 16 prill 2026, ora 10:00
RENDI I DITËS
Në mbështetje të urdhrit nr. 25, datë 14.4.2026 të Kryetarit të Kuvendit, z. Niko Peleshi, rendi
i ditës është si më poshtë vijon:

1. Miratimi i procesverbalit të seancës plenare të datës 9.4.2026.
2. Njoftime.
3.Interpelancë urgjente me Ministrin e Mbrojtjes, z. Ermal Nufi, kërkuar nga një grup deputetësh të Grupit Parlamentar të Partisë Demokratike.

4. Interpelancë urgjente me Ministrin e Arsimit, znj. Mirela Kumbaro, kërkuar nga një grup deputetësh të Grupit Parlamentar të Partisë Demokratike.

5. Interpelancë me Kryeministrin e Republikës së Shqipërisë, z. Edi Rama, kërkuar nga deputetët Agron Shehaj dhe Erald Kapri.

6. Interpelancë me Zëvendëskryeministrin e Republikës së Shqipërisë, znj. Albana Koçiu, kërkuar nga deputetët Agron Shehaj dhe Erald Kapri.

7. Projektligji “Për ratifikimin e protokollit shtesë 7 për zgjidhjen e mosmarrëveshjeve të marrëveshjes për amendimin dhe aderimin në Marrëveshjen e Tregtisë së Lirë të Evropës Qendrore, ratifikuar me ligjin nr. 9696, datë 21.3.2007”.

8. Projektligji “Për ratifikimin e marrëveshjes së financimit, ndërmjet Këshillit të Ministrave të Republikës së Shqipërisë, përfaqësuar nga Ministria e Financave, dhe Cassa Depositi e Prestiti S.p.A., “Përmirësimi i rrjetit të transmetimit të energjisë elektrike në veri të Shqipërisë pas tërmetit të vitit 2019””.

9. Projektligji “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës Federale të Gjermanisë, mbi bashkëpunimin teknik 2024, për projektin “Green Vjosa (Vjosa e gjelbër) – Zhvillim rajonal i gjelbër dhe gjithëpërfshirës në zonën e ujëmbledhësit të Parkut
Kombëtar të Vjosës””.
10.Projektligji “Për aderimin e Republikës së Shqipërisë në marrëveshjen për zbatimin e dispozitave të Konventës së Kombeve të Bashkuara për të Drejtën e Detit të 10 dhjetorit 1982, që lidhen me ruajtjen dhe menaxhimin e burimeve peshkore ndërkufitare dhe të burimeve shumëmigruese”.
11.Projektligji “Për disa shtesa dhe ndryshime në ligjin nr. 33, datë 31.03.2021, “Për Gardën e Republikës së Shqipërisë”, i ndryshuar”.
12.Projektvendimi “Për zgjedhjen e Kryetarit të Komisionit të Autoritetit të Konkurrencës”.
13.Diskutime për çështje jashtë rendit të ditës.