Seancë plenare, Edi Rama vazhdon shown me interpelanca

Pas bastardimit të Parlamentit me miratimet e Ligjeve në kaos parlamentar, Edi Rama i ofron shqiptarëve sot seancë plenare me gjashtë interpelanca të pakuptimta ku ministrat, si ajo e Arsimit Mirela Kumbaro, Shëndetësisë Evis Sala ose dhe Bujqësisë Andis Salla, në vend se të jenë në burg sot do të flasin për sukseset duke ju përgjigjur interpelancave të kërkuara.

Rast i veçant i këtyre interpelancave të pakuptimta është Ministri i Mbrojtjes, Ermal Nufi, i cili mund të mos jetë fajtor për shumë gjëra, por, vetëm fakti se ka shkuar edhe ditën e tij të dytë në këtë punë pasi ka marrë detyrën dhe e ka të qartë se çfarë ka ndodhur me kompaninë “Kayo”, dhe, heshtë, duhet të arrestohet.

Në seancën e sotme me 16 pika të Rendit të Ditës, vetëm pika e fundit mund të jetë e pranueshme për qytetarin pasi mund të dëgjojnë deputetin që i kanë dhënë votën, pavarësisht se çdo deputetë, sipas Rregullores, mund të flasë jo më shumë se 5 minuta.

Ndryshe, seanca e sotme ka këtë Rend të Ditës:

RENDI I DITËS
Në mbështetje të urdhrit nr. 27, datë 21.4.2026 të Kryetarit të Kuvendit, z. Niko Peleshi, rendi i
ditës është si më poshtë vijon:

1. Miratimi i procesverbaleve të seancave plenare të datave 9.4.2026 dhe 16.4.2026.
2. Njoftime.
3. Interpelancë urgjente me Ministrin e Mbrojtjes, z. Ermal Nufi, kërkuar nga një grup deputetësh të Grupit Parlamentar të Partisë Demokratike.

4. Interpelancë urgjente me Ministrin e Arsimit, znj. Mirela Kumbaro, kërkuar nga një grup deputetësh të Grupit Parlamentar të Partisë Demokratike.

5. Interpelancë me Ministrin e Shëndetësisë dhe Mirëqenies Sociale, znj. Evis Sala, kërkuar nga deputeti Kliti Hoti.

6. Interpelancë me Ministrin e Shëndetësisë dhe Mirëqenies Sociale, znj. Evis Sala, kërkuar nga deputeti Bardh Spahia.

7. Interpelancë me Ministrin e Shëndetësisë dhe Mirëqenies Sociale, znj. Evis Sala, kërkuar nga deputetja Erisa Xhixho.

8. Interpelancë me Ministrin e Bujqësisë dhe Zhvillimit Rural, z. Andis Salla, kërkuar nga deputeti Zija Ismaili.

9. Seancë pyetje – përgjigje me Ministrin e Financave, z. Petrit Malaj, kërkuar nga deputetja Jorida Tabaku.
10. Projektligji “Për lirinë e vendosjes dhe ofrimit të shërbimeve në Republikën e Shqipërisë”.

11. Projektligji “Për krijimin e Agjencisë Kombëtare të Shërbimeve Arsimore”.

12. Projektligji “Për disa ndryshime dhe shtesa në ligjin nr. 52/2024, “Për etiketimin e produkteve me ndikim në energji””.
13. Projektligji “Për ratifikimin e Konventës Shumëpalëshe, “Për lehtësimin e zbatimit të shtyllës së dytë, subjekt i rregullit tatimor””.
14. Projektligji “Për një shtesë në ligjin nr. 9975, datë 28.7.2008, “Për taksat kombëtare”, i ndryshuar”.
15. Projektligji “Për disa shtesa dhe ndryshime në ligjin nr. 33, datë 31.03.2021, “Për Gardën e Republikës së Shqipërisë”, i ndryshuar”.
16. Diskutime për çështje jashtë rendit të ditës. (Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta.)