Rilindi Kryeministër nga korrupsioni, dhe, fluturoi drejt Diellës!
nga Agim Popoci
Larg të qenurit legjendë, aq më pak antike, Edi Rama erdhi si magji në krye të Bashkisë Tiranë me qëllimin për ta bërë qytetin e tij të lindjes një qytet evropian, por, sondazhet e para i treguan se për punën që ai kishte bërë nuk do të fitonte zgjedhjet e radhës, ndërsa nuk i munguan ngjyra e kuqe, vjollcë dhe ajo e verdhë; Dhe, e vetmja gjë që bëri Evropiane ndonëse e vaisur me Lindje, ishte korrupsioni, blerja dhe vjedhja e votës!
Shumë kontradikta lidhur me të korruptuarin Edi Rama janë thënë, akuza dhe kundërakuza, por ishin ndërtuesit e Tiranës të cilët e thanë qartë se ata i paguajnë 20% Kryetarit të Bashkisë për lejet e ndërtimit, akuzë pas të cilës, ai pas tre mandateve nuk arriti të kthehet më në krye të Bashkisë!
Vetëm disa muaj pas kësaj akuze të rëndë ndërsa po i vinte edhe fundi i tij politik, ashtu siç e përshkruan Tina Garnet në librin e saj, Feniksin, Edi Rama i vuri flakën Tiranës me gjithë të kaluarën e tij korruptive dhe të Ilir Metës, duke rilind dy vjet më pas, më i fuqishëm se kurrë!
U shfaq në vitin 2013 si simbol i ripërtëritjes dhe ringjalljes, pësoi goditje nga OSBE pasi u tha se Edi Rama gëzon pasuri prej 200 milionë eurosh, por, propaganda e tij e fortë që lindi gjithashtu nga hiri i tij i korrupsionit arriti të mbizotëroj mbi shqiptarët me shenjtërimin e tij, duke u prezantuar si një Perandor me virgjërinë e blerë larg syve të shqiptarëve, retinave të të cilëve u shfaqej vetëm njeriu i jashtëzakonshëm me të vetmen ofertë, Parajsën!
Ndonëse shumë larg Parajsës, pa Shëndetësi Falas, Bujqësi për Bujqit, Ujë në çezme, Fund Koncesioneve, Fund Pandëshkueshmërisë, heqjen e taksës për Bukën, Qumështin, Vezën, Miellin, Vajin, Sheqerin, Orizin dhe marrëzira të ngjashme që mund të dalin vetëm nga goja e një komunisti shqiptarë, nuk është se i prishi punë ndonjë pakënaqësi qytetare!
Por, korrupsioni i Qeverisë Rama arriti të lë gjurmë shumë më të thella se në vitin 2011 dhe nuk i ndihmoi dot as balsamosja që u mundua ti bëjë hirit të korrupsionit me vezën e tij, SPAK, pasi filloi të fluturoi drejt Diellës së tij, sepse pësoi një goditje shumë më të fortë nga bashkëpunëtori i tij tashmë i arratisur, Ish-Zv/Kryeministri Arben Ahmetaj!
Akuzat fillimisht ishin të paimagjinueshme kur u denoncuan nga Opozita, por shumë shpejtë, ndryshe nga Feniksi, u konfirmua vendi i funeralit të Edi Ramës, dhe, u ndez vetëm me përplasjet e flatrave të Arben Ahmetajt!
Inceneratorët dhe AKSHI nuk e lanë të fluturojë më, SPAK-u filloi të mbajë zjarrin e korrupsionit nën kontroll deri te froni i Edi Ramës duke e balsamosur gjithë atë vjedhje të parave publike që mund të balsamosej, por çdo dokument i shpalosur dhe pas çdo vere të konsumuar 33 mijë euroshe, shfaqej firma e njeriut të parë të këtij vendi, Kryeministrit!
Edhe rruga drejt Diellës i ngeci në fyt! Ajo që vetëm ai e quajti Ministre që do të ndaloj korrupsionin shtetëror dhe hyzmeqari i tij Bajram Begaj, rezultoi se ishte ngjizur me spermatozoid të korruptuar, zbulim ky që nuk u eklipsua as nga korrupsioni i Erion Veliajt dhe Belinda Ballukut që doli sheshit, as inceneratorëve dhe Kopshtit të Familjes që paralajmëroi Opozita dhe e dokumentoi Arben Ahmetaj, AKSHI!
Ky fund tragjik i Edi Ramës, a mund të ishte i tillë pa dëshminë e Arben Ahmetajt, me siguri nuk mund të thuhet, por, që do të përfundoi shumë shpejtë edhe kjo qeveri e korruptuar, kjo nuk diskutohet!
Veza e tij, SPAK, arriti deri më sot ta ruaj krijuesin, akuzoi të gjithë poshtë e lartë që nuk quhen Edi Rama, por, vetëm një herë që guxoi të gërvishtë mbi një procedurë ku Arben Ahmetaj deklaronte se janë vjedhur 50 milionë dollarë, Kryeministri e theu vezën!
Sot, kur lirshëm mund të konstatohet se në ditët kur SPAK u krijua dhe ai filloi të luftoj korrupsionin, paradoksalisht korrupsioni vazhdoi të rritet dhe nga ministritë filloi ta nxjerrë kokën edhe në pushtetin lokal, dhe, vetëm me konfirmimin e vjedhjeve të mëdha me duart e Lali Erit dhe Belës, shumë zyrtarë të kësaj administrate hoqën dorë nga firmosja e dokumenteve që nuk prodhonin asgjë tjetër përveç se, korrupsion!
Sot, SPAK ashtu si vezë e thyer që nuk po troket në derë të të lindurit dhe të rilindurit nga hiri i korrupsionit, Edi Rama, mund ta shikoj me keqardhje fundin e tij tragjik të cilin si Prokuroria e Posaçme ashtu dhe krijuesi i saj nuk e kanë parashikuar, ditë kur nuk do të gjejë më njeri që ta korruptoj!
Ditë të cilën i babëzituri Edi Rama dhe veza e tij SPAK as nuk e kanë imagjinuar ndërkohë shumë kohë më parë është përkufizuar, Disavantazh i Korrupsionit, nga studiuesi gjerman, Raimund Vidrányi:
Disavantazhi i korrupsionit qëndron në faktin se ndonjëherë nuk është e lehtë të gjesh dikë që të të korruptoj!
