Samiti i IDU, Harper-Berisha në Zagreb: Mbështetje PD, opozitës dhe integrimit të Shqipërisë në BE!
IDU rikonfirmoi mbështetjen e plotë për Partinë Demokratike dhe forcat opozitare në Shqipëri, si dhe për procesin e integrimit europian të vendit, në takimin që Presidenti Stephen Harper zhvilloi në kuadër të Forumit të International Democrat Union në Zagreb, me Kryetarin e Partisë Demokratike, Sali Berisha, ku ky i fundit shprehi mirënjohje për mbështetjen e vazhdueshme që IDU i ka dhënë PD-së gjatë periudhave më të vështira politike në Shqipëri, tha Kryetari i Partisë
Në takim me Presidentit Harper, Kryetari i PD ngriti një sërë shqetësimesh serioze lidhur me gjendjen demokratike në Shqipëri, duke iu referuar vlerësimeve ndërkombëtare që e klasifikojnë vendin si autokraci elektorale.
– Mbrojtja politike e korrupsionit në nivele të larta, përfshirë rastin e Belinda Ballukut dhe refuzimin e shumicës socialiste për t’i hequr imunitetin, duke penguar kështu arrestimin e saj;
– Ndikimi i karteleve të drogës dhe i krimit të organizuar në proceset politike dhe ekonomike të vendit;
– Shndërrimi i ekonomisë shqiptare në një “narco-ekonomi”, me tentakulat në të gjithë sektorët, duke e kthyer Shqipërinë në një parajsë fiskale për pastrimin e të ardhurave nga trafiku i drogës dhe krimi i organizuar;
– Persekutimi sistematik i opozitës, me theks të veçantë në keqtrajtimin e papranueshëm të ish-Presidentit Ilir Meta.
Emigrimi masiv dhe integrimi europian
Me këtë rast, lideri i opozitës nënvizoi emigrimin masiv si një nga plagët më të mëdha të vendit, ku mbi 1.1 milionë qytetarë, kryesisht të rinj, janë larguar drejt vendeve të Bashkimit Europian. Ai theksoi se Shqipëria aktualisht përmbush kryesisht vetëm kriteret gjeostrategjike ndërsa procesi i integrimit duhet të bazohet në meritë dhe në përmbushjen reale të standardeve demokratike. Sipas tij, ky proces mbetet i bllokuar për shkak të kapjes së shtetit nga qeverisja aktuale.
Ndërsa Presidenti Stephen Harper nga ana e tij vlerësoi si zhvillim pozitiv faktin që qytetarët shqiptarë mbeten fuqimisht dhe pro-NATO pavarësisht politikave të qeverisë në fuqi. Në përfundim të takimit, Harper rikonfirmoi mbështetjen e plotë të IDU për Partinë Demokratike dhe forcat opozitare në Shqipëri, si dhe për procesin e integrimit europian të vendit.
Ndryshe, Kryetari i Partisë Demokratike, Sali Berisha, në takim me Presidentin e IDU, Stephen Harper ishte i shoqëruar nga Kryetari i Partisë Republikane Fatmir Mediu, deputetët Albana Vokshi dhe Belind Këlliçi si dhe Sekretari për Marrëdhëniet Ndërkombëtare Enri Çeno.
