Akt lufte i mafias shtetërore, Berisha: Anuloni antimitingun që do organizoni nesër në Vlorë!

Duke e cilësuar akt lufte që mafia shtetërore u shpall qytetarëve, Kryetari i Partisë Demokratike, Sali Berisha, i bëri thirrje Kryeministrit Edi Rama që të anuloi antimitingun që do organizoi nesër në Vlorë.

“Jam këtu për të denoncuar me forcën më të madhe vendimin e kreut të meduzës, kreut të organizatës kriminale, për të organizuar nesër në Vlorë anti-mitingun e turpshëm të historisë.
Ju paralajmëroj se në mënyrë absolute anti-mitingjet tuaja nuk do tolerohen. Anti-mitingjet tuaja do të marrin atë përgjigje që do të mjeroni për të. A ka akt më të turpshëm?

Të marrësh nënpunësit tu dhe të dalësh në anti-miting ndaj protestës qytetare. A ka akt më përçarës? A ka akt më absurd?
Është akt lufte që mafia shtetërore u shpall qytetarëve. Hiqni dorë! Anullojeni! Keni dërguar mesazhe të gjithë punonjësve të Fierit, Lushnjës, të gjithë Jugut.
Njësoj si Ramiz Alia që donte të na shpallte Republikën e Vlorës, me vullnetarët e Enverit, tani e vullnetarët e Edit. Mos e provoni ëh! Mos e provoni! Të ndiqen rregullat.
Ka një protestë, pse e çoni dhe dhunën ndaj tyre? Një protestë qytetare. Paska një njeri që nxjerr këtë parrullat e nuk përfaqëson tërësinë aty.
Ndaj dhe është fashiste, staliniste, praktika e anti-mitingjeve. Hiqni dorë! Kam publikuar mesazhet që keni nisur në administratë. Gjithçka është terri dhe mungesa totale e transparencës.
Për ta përfunduar dhe ju sot e tutje doktoreshë, nuk do quhesh më Spahiu por mekati, se ti ke votuar ligjin 24-ën. Ti je zonja mekati tani.
E kupton vetë ? Edhe në gjendjen civile do shkojmë ta ndërrojmë mbiemrin të quajmë jo Spahiu, por mekati,” tha Sali Berisha nga foltorja e Parlamentit ndërsa akuzoi Edi Ramën se u vë protestuesve paqësorë, topat e ujit që gjuajtën edhe foshnjën në karrocë.

“Qëndrimin stalinist të Edi Ramës për të organizuar antimitig në Vlorë çka përbën një akt të shëmtuar kriminal, kriminal.
Ndaj dhe merrni masa të anuloni kundërmitingun.
Po garantoj shërbëtorët e qeverisë se kurrë, kurrë asnjë forcë në botë nuk mposht dot këtë opozitë o mjeranë.
Dhe se opozita e opozitës është shërbëtorja më e shpifur e qeverisë, është loja e ndyrë e Edi Ramës.
Harroi kush se ne do pajtohemi me aktet e Edi Ramës, me epitetet e tipit të Spiro Kolekës e Enver Hoxhës, xhelatit Rama që u vë protestuesve paqësorë, topat e ujit që përdor kundër nënave me fëmijë?
Po, po e gjuajti foshnjën në karrocë, nuk e patë ju? Prandaj dhe, sepse partia e krimit ju ka vënë një fasho përpara.
Prandaj të parat që do të ngriheshin sot këtu,” tha Kryetari i PD, Sali Berisha, duke përfunduar:
“Pra këto janë të gjitha, nuk ka asgjë që mund të devijojë këtë forcë politike, asgjë.
Qëndron dhe do qëndrojë e palëkundur në parime.”