Kosovë, KQZ: 94% të votave u numëruan, procesi vazhdon në Prishtinë, Prizren dhe Gjilan

Komisioni Qendror i Zgjedhjeve, KQZ, ka bërë të dituru se procesi i verifikimit dhe numërimit të votave për zgjedhjet e parakohshme parlamentare të 7 qershorit po vazhdon në në Prishtinë, Prizren dhe Gjilan, ndërsa deri në orën 09:00 të mëngjesit të sotëm procesi i verifikimit dhe numërimit ka përfunduar në 2.349 nga 2.498 vendvotime ose 94.04 për qind.

KQZ bën të ditur se gjatë ditëve të kaluara procesi është përmbyllur me faza në të gjitha komunat e tjera, duke filluar nga komunat më të vogla më 8 qershor, për të vazhduar me shumicën e komunave gjatë 9 dhe 10 qershorit, ndërsa më 11 qershor janë përmbyllur edhe disa nga komunat më të mëdha si Ferizaj, Gjakova, Mitrovica e Jugut dhe Vushtrria.

Pas përfundimit të numërimit të çdo vendvotimi, të dhënat janë duke u transmetuar në platformën e KQZ-së për rezultate: https://resultsparliamentary2026.kqz-ks.org/