Dita e gjashtë e Kupës Botës, më në fund Messi në fushë, të gjithë presin Erling Haaland

Dita e gjashtë e Kupës së Botës 2026 ofron katër përballje ndërsa Franca dhe Senegali në orën 21:00 japin shfaqjen e parë të futbollit në këtë kampionat. Iraku dhe Norvegjia përballen në mesnatë 00:00, e shumëpritura Argjentina do të përballet me – Algjerinë në ora 03:00 ndërsa Austria me Jordaninë e përmbyllin këtë ditë me ndeshjen e cila është parashikuar të luhet në 06:00 të mëngjesit.

Franca hyn si favorite e madhe kundër një skuadre nga Afrika, por pas një dite ku pamë që Spanja nuk fitoi ndaj Kepit të Gjelbër, dhe as Uruguay e Belgjika nuk arritën të festonin, mbetet për tu parë nëse mund të ndodhë surpriza e radhës.

Në mesnatë, më shumë pritet një nga lojtarët më të mirë në botë, Erling Haaland, se sa përballja e Norvegjisë me Irakun në Kupën e Botës, ku nuk ka luajtur që nga viti 1998.

Kampionët në fuqi e fillojnë kampionatin kundër Algjerisë në përballjen e orës 03:00. Çdo gjë përveç fitores së të zgjedhurit të Lionel Skalonit do të ishte një surprizë e klasit të parë. Edhe pse ai është vetëm disa ditë më i ri se 39 vjeç, në këtë ndeshje të gjithë sytë do të jenë te Lionel Messi.

Dhe, kjo ditë e Kupës së Botës përfundon me një ndeshje për të cilë nuk ka shumë interes, Austri-Jordani.