Dita e shtatë e Kupës së Botës 2026, Anglia përballë Kroacisë
Pas një nate të çmendur me një lum golash ku Franca mundi Senegalin 3:1, Haaland impresionoi me Norvegjinë duke mundur Irakun 4:1, Messi shënoi tre herë dhe me lot në sy i dha Argjentinës fitoren përballë Algjerisë 3:0, dhe, Austria mundi Jordaninë 3:1, sot dita e shtatë hapet në orën 19:00 me përballjen Portugali-Kongo, në orën 22:00 është ndeshja e kësaj mbrëmje Angli-Kroaci, ndërsa pas mesnatës Gana luan kundër Panamasë në orë 01:00, dhe, Uzbekistani përballë Kolumbis në orën 04:00.
Deri sa për ndeshjen përballë Kroacisë e cila do të luhet në stadiumin AT&T, i cili gjatë Kupës së Botës do të quhet stadiumi Dallas, me kapacitet prej 130 mijë njerëzve, Anglia është e preokupuar me problemet që mund të ketë me tifozët, për të cilët FIFA është shprehur qartë se nëse realizojnë qëllimin për të ofenduar Kryeministrin, Keir Starmer, do të largohen nga stadiumi, kombëtarja kroate sonte mbron medaljen e bronztë nga Kupa e fundit e Botës në Katar, pasi fitoi medaljen e argjendtë katër vjet më parë në Rusi.
Për përballjen në Dallas janë të interesuara mediat nga e gjithë bota, ndërsa ato britanike raportojnë për Kroacinë si një kundërshtare të vështirë dhe të pakëndshme për shkak të traditës së turneve të mëdha dhe përvojës së lojtarëve si Luka Modrić. Për ta, Anglia është favorite ndërsa janë të magjepsur nga fakti që Modrić ende po udhëheq ekipin kombëtar në skenën më të madhe.
Shumica e mediave britanike theksojnë se Kroacia është ndoshta më pak shpërthyese sesa në Kupën e Botës 2018 në Rusi, por se është ende taktikisht shumë e organizuar dhe e aftë të ndëshkojë çdo gabim të kundërshtarëve të saj. Interesi më i madh ishte për Luka Modrić ku në shumicën e raportimeve për Kupën e Botës, ai quhet simbol i gjeneratës së futbollit kroat dhe lojtari kyç rreth të cilit sillet loja kroate.
Ndërkohë pas paralajmërimit të FIFA-s për këngë kundër Kryeministrit Keir Starmer si dhe mos përdorimin e flamurit në nder të ushtarëve të rënë me siluetën e një ushtari me pushkë, bazuar në sjelljen e tifozëve anglez sot nëpër baret e Dallasit, nuk parashikohet një situatë e qetë. Pakënaqësia e fortë me Kryeministrin midis tifozëve më të zjarrtë të Anglisë, dhe kënga kontroverse që ka kaluar Atlantikun dhe ka mbërritur në Kupën e Botës, vazhdon të jetë prezente edhe në Dallas
Daily Mail vuri re një flamur me një Kryq të Shën Gjergjit në Dallas me një mesazh ofendues drejtuar Kryeministrit Starmer, që bie ndesh me rregullat e FIFA-s për ta mbajtur ndeshjen apolitike, duke ndaluar banderolat, flamujt dhe veshjet që konsiderohen ofenduese, diskriminuese ose politike.
Ndërsa tifozët e Kroacisë, pasi shpalosën ditë më parë flamurin kroatë në East River në New York, tashmë janë trasnferuar në Dallas për ndeshjen kundër Anglisë, ku vetë kapiteni Luka Modrić duke rikujtuar se kombëtarja kroate ka luajtur disa ndeshje të mëdha, duke mposhtur kundërshtarë të mëdhenj, përfshirë Brazilin, tani nuk po mendon se me kë do të përballet në fazën tjetër të garës, por i intereson vetëm Anglia dhe kalimi i grupit.
“Kemi bërë përgatitje fenomenale në çdo segment. Jam i kënaqur me mënyrën se si u përgatitëm, besoj se do ta tregojmë sonte. Ende ka disa prej nesh nga garda e vjetër, kanë ardhur lojtarë të rinj që gjithmonë na japin forcë shtesë.
Kemi një ekip mjaft të mirë dhe gjatë gjithë turneut do të shohim se çfarë jemi të aftë të bëjmë. Do të japim maksimumin, si çdo herë deri më tani, e dimë që pritjet janë të larta për shkak të dy rezultateve të fundit, por duhet të shkojmë ndeshje pas ndeshjeje,” është optimist kapiteni i kombëtares së Kroacisë, Luka Modrić.
