“Metamorfoza”, GJKKO dënon me 6 vite burg Pëllumb Gjokën

Gjykata e Posaçme shpalli fajtor për krijim të kushteve për të kryer vrasje, grup kriminal dhe korrupsion, dhe e dënoi me 6 vite burg, biznesmenin Pëllumb Gjoka.

Për akuzën e armëmbajtjes pa leje, Pëllumb Gjoka u shpall i pafajshë. Fillimisht Gjoka u dënua me 9 vite burg, por për shkak të përfitimit nga gjykimi i shkurtuar, dënimi iu ul me një të tretën, duke u konvertuar në 6 vite heqje lirie. Ndërsa ish-oficeri i policisë, Ardit Hasanbegaj, u dënua me 5 vite burg.

Ndryshe, biznesmeni Pëllumb Gjoka dhe ish-oficeri i policisë, Ardit Hasanbegaj, u arrestuan në kuadër të aksionit të koduar “Metamorfoza”.

Ndërkohë Pëllumb Gjoka dhe anëtarë të grupit kriminal “Bajri” po gjykohen me procedurë të zakonshme për akuzën e vrasjes së Gjin Ndojit në 2020 në Vaun e Dejës.