Dita e dhjetë e Kupës së Botës 2026, përballja Gjermani- Bregu i Fildishtë në qendër të vëmendjes

Dita e dhjetë e Kupës së Botës me katër ndeshje futbolli ka padyshim në qendër të vëmndjes përballjen e orës 22:00 midis Gjermanisë dhe Bregut të Fildishtë. Njohësit e futbollit parashikojnë një ndeshje të mirë edhe atë që hap ditën e sotme në orën 19:00 midis Holandës dhe Suedisë. Pas mesnatës, Ekuador do përballet me Curacao në orën 02:00 ndërsa përballja në mes të Tunizisë dhe Japonisë është parashikuar për orën 06:00.

Në përballjen e orës 19:00, Holanda hyn me një pikë dhe me qëllimin për të fituar këtë ndeshje sepse dëshiron të qëndrojë në luftën për vendin e parë në grup. Nga ana tjetër, Suedia e cila hynë në ndeshje me tre pikë ka një detyrë madhore për dyshen vdekjeprurës Viktor Gjokeresh – Aleksandar Isak.

Derbi i ditës zhvillohet nëmes të dy ekipeve që hyjnë në ndeshje me nga tre pikë. Derisa Gjermania pati një stërvitje më të lehtë kundër Curacao, Bregu i Fildishtë pati vështirësi të mposhtte ekipin e shkëlqyer të Ekuadorit. Parashikimet flasin për një ndeshje me shumë gola duke pasur parasysh dy kombëtare me sulmues shumë të mirë.

Ekuadori është favorit absolut në këtë ndeshje dhe çdo gjë përveç një fitore bindëse të përfaqësueses amerikanojugore do të ishte një surprizë shumë e madhe. Curacao ishte padyshim i pafat në short dhe për ta vetëm pjesëmarrja në Botëror do të jetë një sukses i madh.

Japonia u rikthye dy herë nga një disavantazh në ndeshjen kundër Holandës së favorizuar, duke treguar se nuk dorëzohet kurrë. Përveç kësaj, ata vërtetuan se kanë cilësi të shkëlqyer, kështu që me të drejtë hyjnë në ndeshjen kundër Tunizisë si favoritë të qartë. Ndërsa Tunizia pësoi një humbje bindëse kundër Suedisë në raundin e parë, dhe Federata e Futbollit tashmë ka arritur ta zëvendësojë trajnerin, dhe do të jetë Renar Herve që do ta udhëheqë kombëtaren tuniziane nga stoli.