Dita e 21-të e Kupës së Botës 2026, Bosnje Hercegovina vazhdon ditët e saj historike, Belgjika në vështirësi
Në Ditën e 21-të të Kupës së Botës 2026 riten dy përballje të forta duke llogaritur Anglinë e cila në ndeshjen e parë të orës 18:00 kundër Kongos nuk do të lejoj ndonjë befasi si Gjermania dhe Holanda. Në orën 22:00, Belgjikën e pret një ndeshje e vështirë me Senegalin, ndërsa pas mesnatës Bosnje Hercegovina luan kundër Shteteve të Bashkuara në orën 02:00 të mëngjesit.
Pas një loje të shkëlqyer kundër Kroacisë në fazën e grupeve, Anglia e prishi përshtypjen në dy ndeshjet e ardhshme, ku barazuan pa gola me Ganën dhe thyen rezistencën e Panamasë vetëm në gjysmën e dytë të pjesës së dytë ku e përmbylli me fitore 2:0.
Por, skuadra afrikane nga ana e saj tregoi disiplinë në lojë dhe karakter, kur u kthyen kundër Uzbekistanit për të kaluar fazën e grupeve, dhe mbetën të pamposhtur në ndeshjen kundër Portugalisë. Ndryshe nga Anglia, Kongo është në fazën eliminatore të Kupës së Botës për herë të parë në histori.
Belgjika dhe Senegali konfirmuan vendosjen e tyre në fazën eliminatore vetëm në ndeshjet e fundit të fazës së grupeve, dhe të dyja shënuan nga pesë gola në ato ndeshje ku ishin bindëse. Belgjika kundër Zelandës së Re 5:1, dhe Senegali kundër Irakut 5:0.
Bosnje Hercegovina përballë Shteteve të Bashkuara është një ndeshje që do të jetë me interes të madh për tifozët e futbollit në rajon, si dhe për tifozët vendas.
Pjesëmarrjen në fazën eliminatore të Kupës së Botës, Bosnje Hercegovina e fitoi për herë të parë dhe do të ketë një detyrë jashtëzakonisht të vështirë për të shkuar një hap më tej kundër vendasve. Ndërsa Dragonjtë që do të kenë mbështetje të madhe në stadiumin Levi’s në Santa Clara kanë gjithashtu një detyrë të vështirë.
Lojtarët e Sergej Barbarez padyshim që mund të konsdierohen rival serioz i Shteteve të Bashkuara me mbrojtje të fortë dhe një përpjekje për të kërcënuar portën e kundërshtarit nga kundërsulmi.
