Dita e 27-të e Kupës së Botës 2026, Messi përballë Salah

Në Ditën e 27-të të Kupës së Botës 2026 e gjithë vëmendja është tek përballja e orës 18:00 në mes të Argjentinës dhe Egjiptit ku tifozët presin përplasjen në mes të dy gjigantëve, Lionel Andrés “Leo” Messi dhe Mohamed Salah Hamed Mahrous Ghaly! Ndonëse në orën 22:00 kemi përballjen gjithashtu të fortë në mes të Zvicrës dhe Kolumbisë, ku asnjëra prej tyre deri më sot nuk ka pësuar humbje në këtë Botëror.

Argjentina si kampion në fuqi do të mundohet të shmang dramën, siç i ndodhi me ndeshjen e fundit kundër Kepit të Gjelbër, ku vetëm pas pas kohës shtesë mezi fitoj 3:2, por shpirti luftarak Egjiptit me siguri se do të jetë në një nivel edhe më të lartë.

Gjithësesi, bukuria e këtij spektakli shtohet me dy superyjet e futbollit botëror, Lionel Messi dhe Mohamed Salah, ku argjentinasi ka një një angazhim të shtuar në garën për golashënuesin më të mirë në Kupën e Botës, që aktualisht është i barabartë me Erling Haaland dhe Kylian Mbappe, të cilët kanë luajtur një ndeshje më shumë, dhe kanë nga shtatë gola.

Magjia e futbollit mund të shijohet edhe në orën 22:00 në mes të Zvicrës dhe Kolumbisë, të dyja këto ekipe kombëtare të pamposhtura deri më tani që kanë dhe nga një barazim secila në këtë garë.

Për Zvicrën kjo është paraqitja e katërt në çerekfinalen e Kupës së Botës, por në këtë fazë të turneut nuk ishte që nga viti 1954, ndërsa Kolumbia po kërkon të përsërisë suksesin e vitit 2014.