“Marigona” publikon këngën e fundit para koncertit lamtumirës

Dy ditë para koncertit të fundit të karrierës, grupi muzikor “Marigona” ka publikuar këngën e tyre të re dhe të fundit me titull “Nuk është”.

Në bashkëpunim me sopranon Zana Abazi Ramadani, grupi ka përmbyllur rrugëtimin e tij krijues me këtë projekt muzikor.

“Nuk është” vjen pas dy këngëve të publikuara më herët, “Ma Merr Malli” dhe “Jemi Këtu”, të cilat ishin paralajmërime për koncertin lamtumirës “Përjetë”, që do të mbahet të shtunën.

Ndryshe, me këtë koncert, “Marigona” do t’i japë fund një karriere të gjatë muzikore, duke lënë pas një trashëgimi të pasur në skenën muzikore shqiptare.