Shuhet Eqrem Kryeziu!

Shuhet Eqrem Kryeziu! Lajmi për vdekjen në moshën 78-vjeçe të profesorit universitar dhe njëri prej figurave të njohura të jetës politike dhe akademike në Kosovë, e kanë bërë të ditur familjarët.

Eqrem Kryeziu ishte një nga figurat kryesore të Lidhjes Demokratike të Kosovës dhe për disa vite drejtoi degën e kësaj partie në Prizren, në dhjetor të vitit 2006 u zgjodh Nënkryetar i parë i LDK-së, ndërsa Kryetar i Komunës së Prizrenit nga viti 2000 deri më 2007.

Përveç angazhimit në politikë, Eqrem Kryeziu kishte një karrierë të gjatë akademike. Ai ishte profesor i Letërsisë shqipe dhe doktor i shkencave filologjike, ndërsa kishte botuar edhe vepra shkencore në fushën e letërsisë.

Gjithashtu, Eqrem Kryeziu ka qenë deputet i Parlamentit të Kosovës dhe Nënkryetar i Parlamentit, si dhe anëtar i Komisionit për hartimin e Kushtetutës së Kosovës.

Eqrem Kryeziu ka lindur më 15 shkurt 1948 në Pagarushë të Malishevës.

Nën kujdesin e Komunës së Prizrenit në ora 14:30 do të mbahet një mbledhje përkujtimore në Shtëpinë e Kulturës “Xhemajli Berisha” në Prizren. Më pas, varrimi i të ndjerit do të bëhet sot në varrezat e reja të qytetit të Prizrenit, në Landovicë.