Studimi/ Po vijnë ditë jashtëzakonisht të nxehta deri më 2022

Ngrohja globale e shkaktuar nga njeriu dhe një rritje e temperaturave në sipërfaqen e Tokës do të bashkojnë forcat për të kthyer pesë vitet e ardhshme në ditë jashtëzakonisht të nxehta, thekson një studim i publikuar më 14 gusht, raporton AFP.

Rritja e dyfishtë e ndryshimeve klimatike dhe ndryshimet natyrore do të rrisin mundësinë e “motit tejet të nxehtë” në ujërat e oqeaneve, gjë që do të rrezikojë krijimin e uraganeve dhe tajfunëve, thekson studimi i publikuar në revistën, Nature Communications.

“Faza e motit të nxehtë është duke nxitur ndryshim klimatik afatgjatë”, tha shkencëtari për klimë në Universitetin Brest në Francë, Florian Sevellec duke shtuar:

“Kjo fazë pritet të zgjasë për të paktën pesë vjetët e ardhshme!”

Temperatura mesatare e Tokës gjithnjë ka pasur luhatje.

Mirëpo ndryshimet klimatike të shkaktuara nga miliarda tonelata të gazrave serrë në atmosferë, kryesisht gjatë shekullit të kaluar, janë cilësuar arsyeja kryesore e këtyre ndryshimeve.