Propagandon kursime, PD: Edi Rama, mbi 10 mln € nga paratë e shqiptarëve për automjetet e pushtetit

Ndërsa propagandon kursime e mirëmenaxhim dhe përgjegjshmëri në përdorimin e fondeve publike, Kryeministri Rama shfaqet me automjete luksi, blerë sigurisht me paratë e shqiptarëve të varfër, shprehet sot Partia Demokratike duke denoncuar përmes zëdhënëses për Antikorrupsionin në PD, Genta Vangjeli, duke denoncuar shpenzimet prej miliona eurove për automjete të blera, me qira apo leasing nga Qeveria Rama.

“Vetë Kryeministri Rama u shfaq pak ditë më parë në Pogradec, pas mbledhjes së qeverisë, duke u larguar me një Mercedes-Benz S, një automjet luksoz i cili kushton mbi 100.000 euro. E normalisht të njëjtin shembull ndjekin edhe vartësit e tij,” shprehet Genta Vangjeli duke sjellë dëshmi për miliona euro të shpenzuara për automjete të blera, me qira apo leasing nga administrata e Edi Ramës..

“Më tepër se 10 milionë euro kanë shkuar për këto blerje në duart e kunatit të KB socialiste të Durrësit, Emirjana Sakos. Procedura e fundit, publikuar disa ditë më parë në regjistrin e prokurimeve, me objekt blerje e 3 automjeteve për Ministrinë e Ekonomisë dhe Inovacionit, drejtuar nga Delina Ibrahimaj, i kushton qytetarëve 200.000 euro.

3 automjetet e MEI do të furnizohen nga i njëjti operator, Mektrin Motors, biznesi i familjes së Emirjana Sakos. Në përpjekjen e dështuar të Edi Ramës dhe sojit të tij për të bindur shqiptarët se qeveria punon dhe përpiqet për të mirët e tyre. Përfundimi është i qartë: Propagandë me fjalë, miliona për luks në praktikë,” shprehet zëdhënësja për Antikorrupsionin në Partinë Demokratike, Genta Vangjeli ndërsa përfundon duke përsërit thirrjen:

“SPAK të hetojë si shpenzohen paratë e shqiptarëve. Mjaft më me propagandë. Mjaft më me padrejtësi. Mjaft më me vjedhje e korrupsion. Shqiptarët kërkojnë drejtësi.”

Deklaratë:

Teksa propagandon kursime e mirëmenaxhim dhe përgjegjshmëri në përdorimin e fondeve publike, kryeministri Rama shfaqet me automjete luksi, blerë sigurisht me paratë e shqiptarëve të varfër.

Vetë Kryeministri Rama u shfaq pak ditë më parë në Pogradec, pas mbledhjes së qeverisë, duke u larguar me një Mercedes-Benz S, një automjet luksoz i cili kushton mbi 100.000 euro.

E normalisht të njëjtin shembull ndjekin edhe vartësit e tij.

Sipas Open Procurement, administrata e Edi Ramës ka shpenzuar miliona euro për automjete të blera, me qira apo leasing.

Më tepër se 10 milionë euro kanë shkuar për këto blerje në duart e kunatit të KB socialiste të Durrësit, Emirjana Sakos.

Procedura e fundit, publikuar disa ditë më parë në regjistrin e prokurimeve, me objekt blerje e 3 automjeteve për Ministrinë e Ekonomisë dhe Inovacionit, drejtuar nga Delina Ibrahimaj, i kushton qytetarëve 200.000 euro (konvertuar me kursin e këmbimit sot).

3 automjetet e MEI do të furnizohen nga i njëjti operator, Mektrin Motors, biznesi i familjes së Emirjana Sakos.

Në përpjekjen e dështuar të Edi Ramës dhe sojit të tij për të bindur shqiptarët se qeveria punon dhe përpiqet për të mirët e tyre.

Përfundimi është i qartë:

• Propagandë me fjalë, miliona për luks në praktikë.
• Paratë publike përdoren për të financuar një administratë që nuk njeh kufij në shpenzime.
• Kontratat publike vijojnë të përqendrohen tek një rreth i ngushtë operatorësh ekonomikë pranë pushtetit.

Partia Demokratike ripërsërit thirrjen e saj.

SPAK të hetojë si shpenzohen paratë e shqiptarëve.

Mjaft më me propagandë.
Mjaft më me padrejtësi.
Mjaft më me vjedhje e korrupsion.

Shqiptarët kërkojnë drejtësi.