Reagimi/ Nishani: Me këtë pasiguri, frikë dhe mungesë totale të shtetit, do të jemi më pak se 1 milion banorë

Pas alarmit të INSTAT se Shqipëria po zhbëhet dhe deri në vitin 2030 ky vend do mbetet me më pak se 1 milion banorë, Ish-presidenti Bujar Nishani reagon ndaj mënyrës së trajtimit të kësaj dukurie shqetësuese duke shtuar se ky institucion tregon se si dhe sa shumë kanë degraduar institucionet e një shteti që duhet të ishte serioz, më e pakta.

“Analiza më e fundit për shpopullimin e Shqipërisë nga ky institut, mbështetet kryesisht në argumentin e raporteve disproporcionale të vdekje/lindjeve në vend duke argumentuar numërin e ulët të lindjeve. Të thuash qesharake është pak. Ti thuash paaftësi, është e pamjaftueshme. Ti thuash veçse një maskë politike, do mbetej e pa plotë.”

INSTAT, rikujton Ish-presidenti, i paraparë në legjislacion si një institucion i pavarur dhe kredibël, nuk do mund ti shpëtonte dot kulturës të ringjallur bolshevike, të kapjes politike dhe trajtimit si një sekretari teknike e propagandës qeveritare.

“Më 10 gusht, ditën europiane të rinisë, organizmat e pavarur deklaronini se 70% e rinisë shqiptare kërkonin të largohet nga vendi si rezultat i papunësisë dhe humbjes së besimit tek qeverisja. Shifrat e statistikave serioze të vendeve pritëse tregojnë një emigrim masiv të shqiptarëve renditur pas sirianëve të gjendur në luftë dhe masakra. Tendenca e largimit nga vendi duket të jetë edhe më dëshpëruese pasi ajo reflektohet tani jo vetëm tek të papunët, tek kategoria e shtresës së varfër dhe tek popullsia rurale. Arsyeja fare e qarte. Pasiguri, frikë, ambjent armiqësor, mungesë totale e funksionimit të shërbimit shtetëror.”

INSTATI i qeverisë shqiptare duke përmendur shkarazi emigrimin e shpërndan atë në mënyrë manipulimi si një fenomen i shtrirë nga viti 2011 e në vazhdim. Padyshim, sqaron Ish-presidenti, viti 2011 dhe 2012 nuk ishin si vitet 2007-2008-2009 kur emigrantët shqiptarë në Itali e Greqi nisën të kthehen në Shqipëri bashkë me partnerë italianë e grekë në investime të bisneseve, por:

“2015 e në vijim shënoi nisjen e largimeve masive. Në 2017 qeveritë e vendeve kryesore evropiane thirrën me urgjencë në kryeqytetet e tyre ministrat shqiptarë duke i vënë përballë ultimatumesh për ndalimin e emigracionit nga Shqipëria. Përgjatë 2018, disa ministra të brendëshëm të huaj vizituan Shqipërinë me statusin e emergjencës në vendet e tyre nga emigracioni dhe kriminaliteti i eksportuar nga Shqipëria.”

Sot, pas këtij raporti të INSTAT, të maviosur me katran manipulativ politik, asgjë nuk ka ndryshuar.
Pasiguria e shqiptarëve vijon të shtohet! Shpresa tek të gjitha gjeneratat për të nesërmen po shuhet me shpejtësi! Ikja nuk ndalon! Në vitin 2030 do jemi më pak se 1 milion!” thekson Bujar Nishani duke shtuar se po nuk e ndaluam ringjalljen e të keqes, në 2040 do katandisemi ndoshta vetëm disa qindra mijë!

“Territori do tu jepet atyre që e lakmuan dhe synuan ndër shekuj por veç sot po e marrin nga markato-diplomacia e vulëbajtësve. Mos prisni që qeveritarëve t’jua ndjejë për këtë zhbërje,” përfundon Ish-presidenti Bujar Nishani.

Ja postimi i plotë:

Instituti i Statistikave,INSTAT,  konfirmoj para pak ditësh alarmin e dhënë prej kohësh nga njerëzit e përgjegjshëm të këtij vendi.
Shqipëria po zhbëhet !
Deri në vitin 2030 ky vend do mbetet me më pak se 1 milion banorë !!
Por ky institucion (megjithëse ekstremisht i vonuar në këtë konkluzion) tregon se si dhe sa shumë kanë degraduar institucionet e një shteti që duhet të ishte serioz, më e pakta.
INSTAT, i paraparë në legjislacion dhe i ndërtuar jo pa vështirësi, si një institucion i pavarur dhe kredibël nuk do mund ti shpëtonte dot kulturës të ringjallur bolshevike, të kapjes politike dhe trajtimit si një sekretari teknike e propagandës qeveritare.
Analiza më e fundit për shpopullimin e Shqipërisë nga ky institut, mbështetet kryesisht në argumentin e raporteve disproporcionale të vdekje/lindjeve në vend duke argumentuar numërin e ulët të lindjeve. Të thuash qesharake është pak.
Ti thuash paaftësi, është e pamjaftueshme.
Ti thuash veçse një maskë politike, do mbetej e pa plotë.
Më 10 gusht, ditën europiane të rinisë, organizmat e pavarur deklaronini se : “70% e rinisë shqiptare kërkonin të largohet nga vendi si rezultat i papunësisë dhe humbjes së besimit tek qeverisja”.
Shifrat e statistikave serioze të vendeve pritëse tregojnë një emigrim masiv të shqiptarëve renditur pas sirianëve të gjendur në luftë dhe masakra.
Tendenca e largimit nga vendi duket të jetë edhe më dëshpëruese pasi ajo reflektohet tani jo vetëm tek të papunët, tek kategoria e shtresës së varfër, tek popullsia rurale, por masivisht edhe tek ai grup që pas shumë përpjekjesh ja kishte arritur të ndërtonte një standard mesatar ekonomik dhe stabilitet jetese familjare.
Arsyeja fare e qarte.
Pasiguri, frikë, ambjent armiqësor, mungesë totale e funksionimit të shërbimit shtetëror.
INSTATI i qeverisë shqiptare duke përmendur shkarazi emigrimin e shpërndan atë në mënyrë manipulimi hilanjos politik, si një fenomen i shtrirë nga viti 2011 e në vazhdim.
Padyshim qe viti 2011 dhe 2012 nuk ishin si vitet 2007-2008-2009 kur emigrantët shqiptarë në Itali e Greqi nisën të kthehen në Shqipëri bashkë me partnerë italian e grekë në investime të bisneseve kryesisht në fushën e shërbimeve.
Ishte një periudhë pothuajse bumi investimesh të mesme nga ky grupim dhe investimesh madhore nga gjigandë ndërkombëtarë të energjisë, infrastrukturës dhe industrisë përpunuese.
2015 e në vijim shënoi nisjen e largimeve masive.
Në 2017 qeveritë e vendeve kryesore evropiane thirrën me urgjencë në kryeqytetet e tyre ministrat shqiptarë duke i vënë përballë ultimatumesh për ndalimin e emigracionit nga Shqipëria.
Përgjatë 2018, disa ministra të brendëshëm të huaj vizituan Shqipërinë me statusin e emergjencës në vendet e tyre nga emigracioni dhe kriminaliteti i eksportuar nga Shqipëria.
Sot, pas këtij raporti të INSTAT, të maviosur me katran manipulativ politik, asgjë nuk ka ndryshuar.
Pasiguria e shqiptarëve vijon të shtohet !
Shpresa tek të gjitha gjeneratat për të nesërmen po shuhet me shpejtësi !
Ikja nuk ndalon !
Në vitin 2030 do jemi më pak se 1 milion !
Po nuk e ndaluam ringjalljen e të keqes, në 2040 do katandisemi ndoshta vetëm disa qindra mijë !
Territori do tu jepet atyre që e lakmuan dhe synuan ndër shekuj por veç sot po e marrin nga markato-diplomacia e vulëbajtësve.
Mos prisni që qeveritarëve t’jua ndjejë për këtë zhbërje.
Për ta edhe ndiesia e të ndenjurave tani nuk u shijon më në bisnes-klasin e avionëve komercial por duhet ti shtrinë tekat ndër
jet-privatët luksozë teksa vështrojnë nga lart delet.
E qeshen !