Edi Rama vë fesin në dialog, pedagogët në protestë me studentët
Askush nuk priste më shumë nga një anadollak si Edi Rama që mund ti ofroj zgjidhjes së situatës me dhunë policore dhe gjak studentor që ka kapluar Shqipërinë, por mëngjesin e sotëm mesazhi i tij ishte më i qartë se kurrë për dialogun e refuzuar të studentëve, fes mbi dialog!
“Përsëri e përsëri, e përsëri ftesa për dialog dhe gatishmëria për të qenë me këdoqoftë që kërkon dhe beson në dialog është këtu. Jam i gatshëm kudoqoftë në çdo vend, në çdo orë me ata që besojnë se Shqipëria duhet bërë më e mirë dhe se Shqipëria bëhet më e mirë me njerëzillëk, me shkëmbim dhe ballafaqim pikëpamjesh sado të kundërta. Kundërshtia e dhunshme, kundërshtia me forcë, kundërshtia që bie ndesh me fillin e arsyes, nuk i impohohet dot domosdoshmërisë për dialog, për ballafaqim pikëpamjesh sado të kundërta dhe për bashkëjetesë demokratike në një vend ku e kaluara nuk ka asnjë shans që të kthehet dhe kush e mori peng kryeqytetin duke eksportuar këtu terrorin e ANTIFA- s dhe duke bërë këtu lojën e të tjerëve në emër të studentëve e duke u vënë në ballë të studentëve përmes fytyrës së mbuluar duhet ta di se do të përgjigjet. Do të përgjigjet ligjërisht, do të përgjigjet penalisht, do të përgjigjet sipas shkallës së shkeljes së bërë, sipas shkallës së keqkuptimit të madh,“ tha Edi Rama duke vazhduar të përsëris se askush nuk mund t’i imponojë vullnetin një populli të tërë përmes dhunës, gurëve dhe zjarrit, duke nënvizuar se rruga e Shqipërisë drejt integrimit evropian do të vijojë por duke harruar se është ai që po imonon vullnetin e tij me dhunë.
Ndërkohë derisa Kryeministri me arrogancën dhe dhunën ndaj studentëve protestues kofirmon se drejton një regjim anadollak, pedagogët kanë njoftuar sërish protestë për ditën e sotme në orën 10:00 me marshimin i cili nis nga Universiteti Politeknik i Tiranës drejt zyrës së Edi Ramës, në mbështetje të studentëve, të cilët vijojnë të kërkojnë dorëheqjen e kryeministrit Edi Rama.
Përveç solidaritetit me studentët dhe mbështetjes së kauzës së tyre, pedagogët kanë dënuar gjithashtu dhunën policore ndaj të rinjve gjatë ditëve të fundit të protestave, duke shprehur shqetësimin për mënyrën se si është menaxhuar situata.
Në mbështetje të kërkesave të studentëve, pedagogët kanë ndërmarrë edhe një nismë përmes një peticioni, ku bëhet thirrje që zëri dhe kërkesat e të rinjve të dëgjohen ndërsa kanë njoftuar për bojkot mësimor, deri në plotësimin e kërkesave të studentëve.
