Sot Nikolla Gruevski para drejtësisë, do të dëgjohen 115 përgjime me dyer të mbyllura

Sot në Gjykatën penale në Shkup do të zhvillohet seanca gjyqësore për çështjen e mashtrimit dhe manipulimit të zgjedhjeve nga VMRO-DPMNE,  i njohur si rasti “Titanik”. Të pandehur nga ana e Prokurorisë Speciale janë krerët e VMRO-DPMNE me në krye ish-kryetarin dhe ish-kryeministrin e Maqedonisë, Nikolla Gruevski.

Rreth kësaj çështje, rreth 1.000 përgjime janë marrë si provë nga Prokuroria Speciale e Maqedonisë, dhe disa prej tyre u dëgjuan në gjykatë. Ndërkohë pritet të dëgjohen edhe 115 përgjime, që për shkak të natyrës së bisedave, do të dëgjohen me dyer të mbyllura. Bisedat, me vendim të Gjykatës së Apelit, do të përdoren si dëshmi kundër të akuzuarve për mashtrim dhe manipulim të zgjedhjeve.

Ndryshe, përveç ish-kryeministrit të Maqedonisë, Nikolla Gruevski të akuzuar janë edhe 21 persona që kanë marrë pjesë në këtë krim elektoral, si Gordana Jankullovska, Ilija Dimoski, Mile Janakievski dhe Kiril Bozhinovski.