Presidenti Trump akuzon rrjetet sociale për censurë
Presidenti i Shteteve të Bashkuara, Donald Trump, ka kritikuar rrjetet sociale duke thënë se janë kompani që “heshtin miliona njerëz” dhe përdorin censurën.
Presidenti Trump nuk përmendi emrin e ndonjë kompanie të caktuar të rrjeteve sociale.
Këtë deklaratë, Trump e bëri në një postim në llogarinë e tij në Twitter.
“Gjigantët e mediave sociale heshtin miliona njerëz. Nuk mund ta bëjnë këtë, edhe nëse kjo do të thotë që ne duhet të vazhdojmë të dëgjojmë lajme të rreme si ato të CNN-it, vlerësimet e të cilëve kanë rënë dukshëm. Njerëzit kanë të drejtë të kuptojnë se çfarë është e vërtetë dhe çfarë nuk është, pa censurë!”, thekson Presidenti Trump.
