Kryesia e Parlamentit, nesër seancë e jashtëzakonshme për idenë e korrigjimit të kufirit

Kryetari i Parlamentit të Kosovës, Kadri Veseli, ka bërë të ditur se kryesia ka vendosur që nesër, më 4 shtator, të zhvillohet seanca e jashtëzakonshme, me fillim nga ora 10:00.

Në këtë seancë do të zhvillohet debati parlamentar lidhur me angazhimet e presidentit të Kosovës, Hashim Thaçi, për përfshirjen e “shkëmbimit të territorit” apo ” korrigjimin e kufijve” në dialogun në mes Kosovës dhe Serbisë.

“Nesër do ta kemi seancën e jashtëzakonshme, komentet politike do t’i kemi nesër në seancë”, tha ai.

Avdullah Hoti, nga LDK, tha se pret që nesër rezoluta e partive opozitare të marrë mbështetjen e duhur dhe për aq sa ka informacion, AAK dhe NISMA do e mbështetin këtë rezolutë.