Ndalimi i karateistëve/ Delawie: I pikëlluar të shoh që ëndërrat e tyre po shkatërrohen nga politikat ndërkombëtare

Ambasadori i Shteteve të Bashkuara në Kosovë, Greg Delawie, ka reaguar pas vendimit të Serbisë për ndalimin e pjesëmarrjes së karateistëve kosovarë në kampionatin evropian.

Delawie përmes një postimi në Twitter shkruan se normalizimi i raporteve mes Prishtinës dhe Beogradit duhet t’u sigurojë atletëve, pavarësisht nga nacionaliteti i tyre të marrin lirshëm pjesë në gara ndërkombëtare.

Ky është postimi i plotë i Ambasadorit Delawie në Twitter:

“Normalizimi i raporteve, më e pakta duhet të nënkuptoj që atletët e rinj, pavarësisht nga etniteti i tyre, të marrin lirshëm pjesë në gara ndërkombëtare. I pikëlluar të shoh që ëndërrat e tyre po shkatërrohen nga politikat ndërkombëtare ndaj të cilave ata nuk kanë kontroll”