Durrës/ Denoncimi, Basha: Me lojërat e fatit, Edi Rama pastron paratë e kokainës
Opozita edhe sot ka vazhduar me bojkotin e parlamentit duke “zhvendos” seancën në Durrës. Nga qyteti bregdetar, kryetari i Partisë Demokratike, Lulzim Basha denoncoi kryeministrin dhe ministrin e Brendshëm se po fusin në dorë lojërat e fatit në mënyrë që ti pastrojnë paratë e pista të kokainës dhe heroinës, dhe për këtë ka fakte që së shpejti do ti publikoj:
PD do publikojë fakte tronditëse që tregojnë si Rama dhe Xhafaj kanë përdorur pushtetin politik për të shtënë në dorë lojërat e fatit dhe për ti përdorur për pastrimin e parave të pista të kokainës dhe heroinës dhe aferave korruptive,” tha kryetari i Partisë Demokratike duke paralajmëruar se ligjin të cilin sot mazhoranca pritet ta kaloj në parlament, PD do ta bëjë nul me ardhjen në pushtet.
Nga Durrësi, kryetari i PD, Lulzim Basha e akuzoi kryetarin e Parlamentit të Shqipërisë, Gramoz Ruçi pse nuk e publikon Projektligjin e depozituar nga opozita për vettingun në politikë dhe i bëri thirrje që ky Projektligj të publikoj sa më shpejtë:
“Ruçi me urdhër të Ramës, tash 5 ditë refuzon të publikojë Projketligjin e propozuar nga opozita për vettingun e politikanëve dhe relacionin përkatës. Nxitojnë të fusin vjedhjen me ligj siç ishte Rama-Fusha, nxitojnë të fusin ligjin korruptive siç ai i lojërave të fatit. Por refuzojnë një detyrim ligjor siç është transparenca. Heshtja 48-orëshe, e kanë nxjerrë lakuriq Ramën, Ballën dhe Çyrbjen e 10-tra politikanëve të tjerë që nuk janë gjë tjetër veçse zëdhënësit e bandave të krimit”.
…nga fjala e Bashës…
“Nuk e do vettingun se ka për qëllim të largojë nga Kuvendi dhe zyrat e larta politikanët e korruptuar dhe të lidhur me të. E kemi dëgjuar dhe ndjerë mbështetjen e plotë të shqiptarëve që e duan vettingun në politikë. Xhafa, Balla, Çyrbja, Rama dhe kushdo tjetër i lidhur me krimin duhet ta dijë mirë. Pretendimet që paraqesin sot, ishin njësoj si të dekriminalizimit, beteja ishte e gjatë por ne ia kemi dalë.
Le ti hedhim poshtë mashtrimet e tij dhe politikanëve të tjerë të lidhur me krimin. Pse është normale që vettingu ti nënshtrohet polici më i thjeshtë dhe jo politikanët. Pse nuk na doli problem teknik me vettingun e prokurorëve dhe gjyqtarëve?
SPAK dhe Byroja e hetimit e ka juridisionin për të hetuar politikanët, prokuroria mund të hetojë familjarët. Gënjeshtra më e trashë që ka qarkulluar, tregon panikun e Ramës, për të justifikuar para shqiptarëve pse nuk pranon vettigun, vettingu nuk ka asnjë ndikim negativ më reformën në drejtësi.
Të thuash që vettingu i politikanëve pengon atë në drejtësi është gënjeshtër e trashë, ju kanë rënë të gjitha alibitë, për të pastruar politikën e e lidhur me krimin. Rama i trembet vettingut në politikë, nuk ka e nuk do të ketë asnjë negociatë, diskutim, ulje në tavolinë bisedash me Ramën dhe bandën e tij sa kohë institucionet janë të pushtuar nga krimi dhe politikanët e lidhur me krimin, do luftojmë deri në fund për dekriminalizimin e plotë, me çdo mjet e cdo formë. Porti i Durresit, dëshmitari i aferave të tmerrshme si ajo e drogës në Maminas, ku u fut kokaina vetëm pasi u dhanë garancitë më të larta. Ai që garantoi Toyota Yarisin i përket një grupi politikanësh që sot në lidhje me krimin janë shqetësim serioz për vendin, stabilitetin e rajonit dhe eksportues të krimit dhe drogës në Itali, Gjermani, Britani, e Holandë dhe SHBA.
Durrësi qeveriset nga banda, Dako shërbëtori i bandave dhe banditëve, bashkë me Çelën e OSHEE. Nëse nuk do kishte prokurori që grabitet posta me dosje si ndodh në këtë prokurori, nëse nuk do kishte shërbëtorë të Ramës në Prokurori, sot Dako do të ishte në burg. Materialet hetimore tregojnë se si në zgjedhjet 2017, 2015, Dako shkëmben tendera dhe para të shqiptarëve në vjedhje votash. Nuk është mjaftuar Dako me aleaten personale, bandën e Lul Berishës, Shullazit me shokë, por ka ofruar edhe Jurgis Çyrbjen, anëtarëin e Kuvendit, të grupit të Rilindjes së kriminalizuar të Ramës. Dihet mirë se për çfarë është vendosur deputet.”
