“Çobani dhe Vettingu”, Nismës së opozitës Taulant Balla i përgjigjet me kërcënim!

Shantazhon, kërcënon e madje edhe arreston opozitën. Po ky është ai çuni që rrinte i varur mbi kangjellat e KQZ-së dhe trupat e policëve kur ishte opozitar, por kjo nuk e pengon që sot të kërcënoj, madje edhe kundër një nisme ligjore të opozitës. Një Drafti të depozituat nga opozita për Vettingun në Politikë, shefi i Grupit Parlamentar të Rilindje i përgjigjet me kërcënim:

“Hetimin tim, tëndin, të Metës, Ramës e kujtdo tjetër mund ta bëjë vetëm SPAK e BKH,” thekson çobani me çizme nga foltorja e Parlamentit të Shqipërisë, ndërsa merr rolin e avokatit të Gramoz Ruçit dhe i përgjigjet kreut të opozitës edhe për akuzën e fshehjes së kësaj nisme të opozitës, dhe kanë kaluar 5 ditë e ajo nuk është publikuar.

“Jurist mediokër që duhet ti kërkojmë edhe diplomën, akuzove Kuvendin se nuk po publikohet propozimi yt, po aq mediokër sa edhe nisma që përfaqëson. O jurist, o Lulzim, ka një nen rregullorja, është Neni 77 për shqyrtimin e nismave, e ke depozituar të premten, seanca e parë është sot, juristit Lulzim i qenka mohuar e drejta e propozimit? O Jurist, o Lulzim, nisma për rishikimin e Kushtetutës, kryetari e njofton Kuvendin në seancën plenare dhe iu shpërndanë deputetëve teksti i projektligjit, në orën 10:03 u njohëm me propozimin në tavolinat përballë karrigeve bosh, të juristit Lulzim dhe deputeteve part time,” tha shefi i Grupit Parlamentar të Rilindjes, Taulant Balla, sipas të gjitha gjasave duke lexuar mesazh celulari nga Fuga i përtej Atlantikut, sepse në Durrës Lulzim Basha nuk akuzoi Kuvendin por Gramoz Ruçin, dhe nuk e kërkoi sot në seancë plenare por në faqen online të Parlamentit të Shqipërisë.

Qytetarët e Shqipërisë këtë taksiratë e kanë, ku në turmën e shumë telenovelave të enjten të shohin edhe atë të Parlamentit, dhe serinë e tmerrshme të rradhës që po luhet sot: “Çobani dhe Vettingu”!