Taksa në Rrugën e Kombit/ Kukës, Shehu: Arritëm marrëveshje me koncesionarin! Këshilltarët e djathtë: S’ka marrëveshje!

Zyrtarisht Kryetar i Këshilli të Bashkisë Kukës, me detyrë Përfaqësues special i Edi Ramës dhe Qet Kastratit në Kukës, për shndërrimin e Rrugës së Kombit në Rrugën e Vedhjes, Gjelbrim Shehu, rezultoi se ka mashtruar me marrëveshjen të cilën e shpalli se e ka arritur me koncesionarin për tarifën 100 lekë për banorët e Qarkut të Kukësit.

Pas kësaj shpallje të marrëveshjes nga ana e Gjelbrim Shehut, në prag të vendosjes së taksës më 17 shtator, këshilltarët e djathtë në Këshillin e Bashkisë Kukës reagojnë duk e hedhur në mënyrë kategorike ekzistimin e një marrëveshje me koncesionarin ose këdo tjetër. Madje, kreu i këshilltarëve të djathtë, Arif Rexhmati thekson se mbledhja e Këshillit nuk u realizua fare në munegesë të këshilltarëve të majtë, dhe për Pa Frikë, sqaron:

“Me kërkesën e këshilltarëve të djathtë të Këshillit të Bashkisë Kukës është kërkuar të bëhet një analizë për situatën e krijuar nga planifikimi për vendosjen e taksës për Rrugën e Kombit më datën 17 shtator. Mbledhja e Këshillit nuk u mbajt për mungesë të këshilltarëve të majtë të cilët më urdhër politik nga Qeveria Rama nuk i përgjigjen interesave dhe kërkesave të qytetarëve të Kukësit duke bojkotuar mbledhjen e Këshilli të Bashkisë, ku përveç Këshilltarëve të majtë nuk ishin të pranishëm as përfaqësuesit e Prefekturës, Ministrive të linjave, dhe as përfaqësuesë të tjerë të zgjedhur lokal të cilët ne i kishim kërkuar për të sqaruar këtë problem. Në këtë situatë, kur ishte bojkotuar mbledhja e Këshillit të Bashkisë ne nuk mund të nxjerrnim një vendim por fatkeqësisht Kryetari i Këshillit të Bashkisë del me një deklaratë politike e cila është hartuar në mbledhjen e Partisë Socialiste që gjoja kuksianët janë dakord me taksën në Rrugën e Kombit.”

Këshilli i Bashkisë Kukës, thotë Arif Rexhmati, nuk është noter i interesave të qytetarëve të Kukësit por mbrojtjës i interesave të qytetarëve të Kukësit.

“Askush nuk mund të flas në emër të qytetarëvenë të Kukësit kur qytetarët nuk janë pyet. Këshilli nuk është pyet. Ne vazhdojmë të jemi në një linjë siç deklaroi kryetari Basha  se taksa në Rrugën e Kombit do të zerohet me ardhjen e Partisë Demokratike në pushtet dhe çdo taksë që është në dëm të interesave të qytetarëve të Kukësit dhe të mbarë Shqipërisë, do të zeorhet me ardhjen e PD në pushtet.”

Ajo që ndodhi sot me deklaratën e kryetarit të Këshillit të Bashkisë Kukës, thekson Rexhmati, është e turpshme dhe jo ndershme në lidhje me marrëdhënien me Këshillin, sepse:

“Këshilli i Bashkisë nuk ka marr asnjë vendim dhe të pranishëm ishin vetëm anëtarët të e dajthtë të Këshillit, biles disa persona nga e djathta për arsye të  ndryshme nuk ishin të pranishëm ndërsa nga e majta nuk ishte asnjë i pranishëm,” thekson kreu i këshilltarëve të djathtë, Arif Rexhmati duke bërë thirrje:

“I bëjë thirrje të gjithë aktorëve dhe faktorëve që kanë të bëjnë me interesat e kuksianëve dhe drejtëpërdrejtë me taksën në Rrugën e Kombit, të mos tjetërsojnë kërkesnë  e qytetarëve të Kukësit.
Qytetarët e Kukësit e kanëkërkuar këtë taksë zero dhe me të gjitha format dhe metodat do e mbrojnë atë taksë që të jetë e tillë, zero. Sepse ne nuk kemi rrugë alernative . Kjo është një taksë e ndarjes së Shqipërisë me Kosovën dhe jo një taksë e bashkimit të kombit përmes Rrugës së Kombit.”

Ndryshe, Kryetari i Këshilli të Bashkisë Kukës, Gjelbrim Shehu pak minuta pas mesditës shpalli, sipas tij, marrëveshjen me koncesionarin për tarifën 100 lekë për banorët e Qarkut të Kukësit, duke theksuar se kjo zgjidhje përfundimtare është arritur pas negociatash të vazhdueshme me Qeverinë Shqiptare, Koncesionarin dhe grupet e interesit në të mirë të interesave të banorëve dhe qytetarëve të qarkut Kukës.

Deklarata e kryetarit të Këshillit Bashkiak të Kukësit:

Ne cilesine e Kryetarit te Keshillit te Bashkise Kukes bej me dije opinionin se mbledhja e Keshillit Bashkiak e thirrur sot me date 13.09.2018, nuk u zhvillua per mungese kuorumi.

Lidhur me piken e fundit te rendit te dites qe ka te beje me analizen, diskutimin mbi vendosjen e tarifes se rruges se Kombit sqaroj se kjo çeshtje quhet e mbyllur dhe nuk dote jete me pjese e rendit te dites se mbledhjeve te Keshillit te Bashkise pas reflektimit nga ana e qeverise shqiptare dhe Koncesionarit, te tarifes prej 100 lekesh e caktuar per banoret e qarkut Kukes, e cila eshte e pranueshme dhe e perballueshme nga te gjithe.

Theksoj se erdhem ne kete zgjidhje perfundimtare pas negociatash te vazhdueshme me Qeverine Shqiptare, Koncesionarin dhe grupet e interesit ne te mire te interesave te banoreve dhe qytetareve te qarkut Kukes. Ju faleminderit per mirekuptimin dhe bashkepunimin!

Kryetari, Gjelbrim SHEHU