Në cilin Grup është Thaçi, Basha: 5 grupe kriminale kërkojnë shkëmbimin e territorit Kosovë-Serbi

Kryetari i Partisë Demokratike Lulzim Basha, i ftuar në konferencën ballkanike “30 vjet pas. Çfarë e mban Ballkanin jashtë BE?”, organizuar nga zonjat e PD dhe PPE, ndërsa  u shprehë kundër shkëmbimit të territoreve mes Kosovës dhe Serbisë tha se kjo ide mbështetet nga pesë banda kriminale që veprojnë në veri dhe në jug të lumit Ibër.

“Propozimi për shkëmbimin e territoreve është legjitimim i aventurierëve dhe legjitimim i pesë bandave të krimit të organizuar në veri dhe në jug të lumit Ibër,” tha Basha duke mos saktësuar se për cilat banda bëhet fjalë por shtoi se pretendimet për mosfunksionimin e territorit të Kosovës janë vetëm një alibi.

“Në qoftë se ka vullnet politik për të çmontuar këto pesë banda të krimit të organizuar në jug dhe në veri të lumit Ibër, atëherë alibia e fundit për mosfuksionim të territorit të Kosovës bie,” tha Lulzim Basha.

Ndërkohë në Kosovë përplasjet rreth idesë së shkëmbimit të territoreve kanë vazhduar dhe derisa Presidenti, Hashim Thaçi e mbështetë këtë ide, kryeministri Ramush Haradinaj është kundër madje thekson se korrigjimi i kufirit  mund të bëhet vetëm me luftë.

Pas këtij lajmi mbi 5 grupet kriminale që kërkojnë shkëmbimin e territorit mes  Kosovës dhe Serbisë, mbetet për tu parë se cilit grup kriminal i takon Hashim Thaçi?!