Rrëfehet Nënkomisari, reagon Taulant Balla: Inskenim i PD!
Kryetari i Grupit Parlamentar të Partisë Socialiste, Taulant Balla, doli sot në një konferencë për shtyp duke deklaruar se rrëfimi tronditës i nënkomisarit Emiljano Nuhu është inskenim i PD.
“PD po bën inskenime ndaj deputetëve të PS,” tha Balla dhe ai do t’i drejtohet prokurorisë.
Kreu i Grupit Parlamentar të Partisë Socialiste hodhi poshtë dëshminë, sipas të cilës, ai ka qënë në mesin e personave që kanë kërcënuar oficerin e policisë së Fushë Krujës, Emiljano Nuhu që të mbyllte dosjen e djalit të deputetit Rahman Rrahja, i akuzuar për përdhunim.
“Nuk kam qenë kurrë në Komisariatin e Policisë, Krujë, as kam qenë kësaj vere në Krujë,” tha Balla e nëse Emiljano Nuhu do të ishte akoma në polici, do të hiqej nga puna përmes vettingut.
