LDK takohet me partitë parlamentare për të caktuar datën e zgjedhjeve

Lidhja Demokratike e Kosovës thekson se disa herë i ka bërë të qarta para opinionit dhe anëtarësisë së saj qëndrimet rreth zgjedhjeve të jashtëzakonshme dhe dialogut me Serbinë dhe ato nuk kanë ndryshuar.

“Këto qëndrime duhet të jenë të qarta edhe për kryetarin e Kuvendit.  Si parti politike, më e madhe në Kosovë, qëndrimet tona i shpalosim para anëtarësisë dhe  qytetarëve tanë, kurse  në Kuvend përmes grupit tonë parlamentar”, thekson Lidhja Demokratike e Kosovës përmes një komunikate duke saktësuar se LDK është e gatshme të takohet me të gjitha partitë parlamentare për t’u marrë vesh për datën e zgjedhjeve të jashtëzakonshme dhe orientimet për dialogun pas këtyre zgjedhjeve.