Sot mazhoranca teatër në Parlament, deputeti i PS interpelancë me Ministrin e Financave…

Pasi detyroi opozitën të largohet, Partia Socialiste sot në Parlamentin e pushtuar do të zhvilloj jo vetëm një seancë plenare por një akt të rëndë të Dramës së Rilindjes:  Ministri i Financave është ftuar në interpelancë me deputetin e PS, Erion Braçe.

Sa e paturpshme është kjo mazhorancë nuk e ka imagjinuar dot as OSBE që ka miisone dhe harton raporte nga vendet më të humbura të botës, por imagjinata e Edi Ramës nuk njeh kufi. Mbanë mbledhje të Grupit Parlamentar ku askush nuk guxon ta hapi gojën, duke përfshirë këtu Arben Ahmetajn dhe Erion Braçen dhe paska marrë guximin ky i fundit pas mbledhjes së Grupit, ti kërkojë llogari në interpelancë Ministrit më injorantë të Financave, të të gjithë kohërave, që të sqarohet në seancën e së enjtes.

Që kemi të bëjmë me show dhe jo seancë plenare flet edhe fakti që edhe sot në rendin e ditës janë futur projektligjet për “magjistratët” dhe ndryshimet në “Kodin Rrugor”, ndonëse për miratimin e tyre kërkohen 3/5 e të gjithë deputetëve.

Ndryshe, opozita nuk merr pjesë në këtë seancë, pasi siç deklaroi kryetari i opozitës Lulzim Basha, nuk mund të ulen në të njëtën sallë me Taulant Ballën, Fatmir Xhafajn, Rrahman Rrajën, Ergis Çyrbjen dhe deputetë tjerë të akuzuar për lidhje me krimin.