Video/ Në ujërat e Adriatikut kapet një gomone me marijuanë shqiptare. Vlera 3 milionë euro dhe…
Një gomone me marijuanë të trafikuar nga Shqipëria drejt Italisë është sekuestruar sot në ujërat e Adriatikut.
Policia Financiare italiane në bashkëpunim me rojen bregdetare të Barit kanë ndaluar një gomone të dyshimtë që po lundronte nga ujërat ndërkombëtare drejt brigjeve italiane.
Pas kontrollit të mjetit lundrues janë gjetur 352 kg marijuanë e përgatitur në 222 pako.
Sipas autoriteteve italiane droga e kapur do t’i sillte organizatave kriminale një vlerë përfitimi prej mbi 3 milionë euro.
Në pranga është vënë skafisti, një 41 vjeçar italian banues në qytetin e Lecces.
Ndryshe, vetëm nëvitin 2018, në ujërat e Adriatikut janë sekuestruar 17 mjete lundruese me drogë, 17 tonë marijuanë dhe janë arrestuar 40 skafistë.
