Video/ Këshilli i Legjislacionit, Alibeaj: Trajtim special për politikanët nuk mund të ketë më!

“Trajtim special për politikanët nuk mund të ketë më!” Kështu u shprehë deputeti i Partisë Demokratike, Enkelejd Alibeaj në Këshillin e Legjislacionit ku mazhoranca kishte paralajmërua një spektakël me shoqërinë civile për të “konsoltuar” iniciativën kushtetuese të opozitës për Vetingun e politikës. Duke konstatuar se mazhoranca e kishte refuzuar tashmë Vetingun e politikës, Alibeaj thekson se ky takim me shoqërinë civile ishte një farsë, një teatër, për ta mohuar plotësisht nismën e opozitës.

“Para se te fillonte kjo mbledhje, unë u njoftova se janë njoftuar 21 shoqata dhe janë vetëm 5 përfaqësues. Kjo tregon se ata kanë kuptuar, ata që nuk kanë ardhur, në këtë farsë, në skenë hipokrizie që është duke zhvilluar kjo godinë. Iniciativa që kemi marrë ne për Vetingun në politikë, përmbajtjen e të cilës e dinë i madh e i vogël, është një iniciativë që ka vetëm një zgjidhje të qasjes politike: pranohet ose jo, përballet ose hidhet në kosh të plehrave.”

Me këtë rast deputeti i PD u bëri thirrje që të mos i lejojnë vetes të përdoren si fasadë e mohimit që po i bëhet nga këta, Vetingut politik:

“Ajo që ndodhi në seancën e parë ishte qëndrimi i mazhorancës që me gojën e kryeministrit u shpreh se nuk e pranon vetingun në politikë as në përmbajtje, as në frymë. Dhe pikëtishr atëherë ne kemi thenë se ky është një teatër hipokrizie që po zhvillohet nga komisioni i ligjeve dhe këshilli i legjislacionit. Ky mohim total i kësaj kërkese emergjente, ulëritëse, është për të blerë kohë. Mos e lejoni veten tuaj të përdoreni si fasadë e mohimit që po i bëhet nga këta, Vetingut politik.”