“Toyota Yaris”/ Dëshmia, Basha: Edhe Manja e Çyrbja të përfshirë në këtë aferë!

Në vend që të hetojë se kush qëndron prapa transaksioneve kriminale të miliona eurove me Toyota Yaris, në vend që të hetojë se kush i garanton këto akte të rënda kriminale, po e trajton këtë si një nxjerrje të sekretit shtetëror. Kështu u shpreh kryetari i Partisë Demokratike, Lulzim Basha pas dëshmisë së dhënë në Prokurori lidhur me hetimin e, sic thuhet, nxjerrjes së sekretit shtetëror për veprën kriminale të futjes së parave të krimit me Toyota Yaris.

“Sot dua t’u them se në këtë aferë janë të përfshirë edhe dy deputetë të tjerë të Partisë Socialiste, Ulsi Manja dhe Jurgis Çyrbja,” tha Lulzm basha duke shtuar se Prokuroria ka fakte dhe prova të mjaftueshme për të kërkuar menjëherë arrestimin e Taulant Ballës. Për të kërkuar dekada burg për Saimir Tahirin, Vangjush Dakon, Damian Gjiknurin, Qazim Sejdinin me shokë.

“Por e kapur nga pushteti kriminal i Edi Ramës dhe nga krimi, prokuroria po i trajton lidhjet e pushtetarëve me krimin si sekret shtetëror. Po mbron lidhjet e Taulant Ballës me bandat e krimit të organizuar, lidhjet e Vangjush Dakos me bandat e krimit të organizuar me bandat e krimit të organizuar, si sekret shtetëror.”

Nëse prokuroria do të vepronte mbi përgjimet zyrtare, faktet dhe provat që disponon, atëherë:

“Sot Taulant Balla duhet të ishte në arrest. Sot Vangjush Dako duhet të ishte në arrest. Sot Saimir Tahiri, Vangjush Dako, Taulant Balla, Qazim Sejdini duhet të kishin një pretencë me dekada burg. Sot Fatmir Xhafaj do të ishte jashtë politikës,” tha kryetari i Partisë Demokratike, Lulzim Basha duke shtuar se drejtësia mund të vonojë por nuk do të mungojë, ndërsa përfundoi:

“Së bashku me Taulant Ballën, Ulsi Manjën, Jurgis Çyrbjen, Vangjush Dakon, Qazim Sejdinin me shokë, do të vijë dita kur para drejtësisë të jenë edhe veglat  që e kanë shndërruar prokurorinë në një aksesor të këtij regjimi kriminal dhe të krimit të organizuar, Arta Marku dhe Donika Prela.”

Ndryshe, Lulzim Basha është thirrur sot në Prokurorinë e Tiranë lidhur me çështjen e 3.4 milionë eurove në makinën “Toyota Yaris”, që u kapën në portin e Durrësit dhe për të cilat ai akuzoi si “garant”, deputetin socialist Taulant Balla. Balla ngriti padi ndaj Bashës për nxjerrje të sekretit të hetimit, pasi kryedemokrati deklaratën e bëri nga foltorja e Parlementit.

 Deklarata e plotë:

Prokuroria ka kërkuar dëshminë time për hetimin që ka hapur në lidhje me nxjerrjen e sekretit shtetëror sa i përket veprës kriminale të futjes së parave të krimit me Toyota Yaris.

Ky veprim dëshmon se deklaratat e mia publike, denoncimet e mia publike për përfshirjen e Taulant Ballës në dhënien e garancive politike dhe në trafikimin e paligjshme të parave të pista të krimit, janë të vërteta. Sot dua t’u them se në këtë aferë janë të përfshirë edhe dy deputetë të tjerë të Partisë Socialiste, Ulsi Manja dhe Jurgis Çyrbja.

Kam ardhur me shumë dëshirë sot në prokurori për të ju dëshmuar shqiptarëve se ku ka degraduar sistemi i prokurorisë shqiptare. Në vend që të hetojë se kush qëndron prapa transaksioneve kriminale të miliona eurove me Toyota Yaris, në vend që të hetojë se kush i garanton këto akte të rënda kriminale, po e trajton këtë si një nxjerrje të sekretit shtetëror.

Prokuroria ka fakte dhe prova të mjaftueshme për të kërkuar menjëherë arrestimin e Taulant Ballës. Për të kërkuar dekada burg për Saimir Tahirin, Vangjush Dakon, Damian Gjiknurin, Qazim Sejdinin me shokë.

Por e kapur nga pushteti kriminal i Edi Ramës dhe nga krimi, prokuroria po i trajton lidhjet e pushtetarëve me krimin si sekret shtetëror. Po mbron lidhjet e Taulant Ballës me bandat e krimit të organizuar, lidhjet e Vangjush Dakos me bandat e krimit të organizuar me bandat e krimit të organizuar, si sekret shtetëror.

Nëse prokuroria do të vepronte mbi përgjimet zyrtare, faktet dhe provat që disponon, sot Taulant Balla duhet të ishte në ARREST.

Sot Vangjush Dako duhet të ishte në arrest.

Sot Saimir Tahiri, Vangjush Dako, Taulant Balla, Qazim Sejdini duhet të kishin një pretencë me dekada burg.

Sot Fatmir Xhafaj do të ishte jashtë politikës.

Por unë nuk jam i paduruar, sepse e di që drejtësia mund të vonojë por nuk do të mungojë.

Së bashku me Taulant Ballën, Ulsi Manjën, Jurgis Çyrbjen, Vangjush Dakon, Qazim Sejdinin me shokë, do të vijë dita kur para drejtësisë të jenë edhe veglat  që e kanë shndërruar prokurorinë në një aksesor të këtij regjimi kriminal dhe të krimit të organizuar, Arta Marku dhe Donika Prela.