Moti i keq pushton Italinë, 9 të vdekur, dëme të mëdha dhe…

Pas erërave të forta dhe stuhive që goditën Italinë, dëme nga moti i keq numërohen pothuajse në të gjitha rajonet. Bilanci paraprak është 9 të vdekur dhe 1 i humbur.

Shkollat do të mbeten të mbyllura në shumë qytete, duke përfshirë Romën, Napolin dhe Xhenovën.

Një përmirësim pritet gjatë ditës, ndërsa të mërkurën, një tjetër rrezik do të kërcënojë vendin.

“Alarmi i kuq” deri në 15 në Liguria, ka detyruar mbylljen e aeroportit ” Kristofor Kolombi”në Genova deri në orën 14:00.

Për shkak të stuhisë, pista u mbush me mbeturina duke dalë jashtë funksioni.Të gjitha fluturimet janë anuluar. Pasagjerëve iu kërkua të kontaktojnë kompanitë për të ripozicionuar udhëtimet e tyre.

Më shumë se shtatë mijë ndërhyrje janë kryer nga zjarrfikësit që nga e hëna në mëngjes për të përballuar valën e motit të keq që goditi Italinë.

Mbi 5,800 zjarrfikës që punojnë në zonë kanë ndërhyrë në veçanti në Liguria, Toscana, Lazio, Veneto, Friuli-Venezia Giulia, Lombardia dhe Piemonte. Gjatë natës zhytësit shpëtuan 19 boilerë të cilët kishin mbetur për orë të tëra në digën e Rapllos të shkatërruar pjesërisht.

Një grua vdiq në Val di Sole, ajo është viktima e tetë e motit të keq. Ekipet e shpëtimit e gjetën trupin në Dimaro, pasi ishte rrëmbyer nga uji i përroit.

Stuhia e detit shkaktoi përmbytjen e terminalit të makinave në portin e Savonës. Uji shkaktoi një qark të shkurtër në dy depo që shpërtheu bateritë e disa veturave.

Mbi njëqind ndërhyrje janë ndërmarrë nga zjarrfikësit milanezë gjatë natës, duke u ballafaquar me kabllo të prera dhe pemë të rënë për shkak të erës së fortë dhe shiut të  rrëmbyeshëm që goditi qytetin dhe provincën. Zona më e prekur është ajo drejt Vimercate.

Drejtoria e Mbrojtes Civile informon se ka kryer mbi 5 mijë operacione ndihme të qytetarëve në vështirësi. Në 5 rajonet italiane shkollat janë mbyllur dhe gjatë ditës së sotme.

Në rajonin e Ligurias është regjistruar shpejtësia rekord e erës në 190 km/h e në rajonin e Alto Adige, ku reshjet e shiut kanë arritur deri në 40mm për metër kub.

Mbi 110 mijë banorë kanë mbetur pa energji eletrike në provincën e Bellunos e mbi 40 mijë të tjerë në rajonin e Toskanës.

Moti i keq ka shkaktuar vonesa në linjat hekurudhore, në lëvizjen e trageteve në porte e në shtyrjen e disa udhëtimeve ajrore në aeroporte. Aeorporti i Genovas është mbyllur për shkak të përmbytjes së pistës së fluturimeve. Një urë është shembur në provincën e Udines në superstradën SS 465.

Është mbyllur gjithashtu dhe kufiri tokësor mes Italisë dhe Zvicrës për shkak të shëmbjes së rrugës në pikën kufitare Sempione.

Në Venecia uji ka arritur nivelin rekord 160 cm e mbi 70 % e rrugëve të qytetit vazhdojnë të jenë të përmbytura.

Rajonet më të goditura nga moti i keq  janë Lazio, Veneto, Liguria, Lombardia, Trentino Alto Adige, e Friuli Venezia Giulia.

Drejtoria  e Mbrojtjes Civile informon se alrami i motit të keq do të vazhdojë dhe për 24 orët e ardhshme

Moti i sotëm duket se është përmirësuar, por ka ende të paktën njëzet situata që duhen zgjidhur dhe puna e zjarrfikësve do të vazhdojë gjatë gjithë ditës.

Si pasojë e motit të keq është shembur edhe diga e portit turistik Carlo Riva në komunën Rapallo në krahinën e Genovas, me çrast janë shkatërruar dhjetra jahteve luksoze, barka me vela e skafe të ankoruara në port e përgjatë bregdetit.

Mjetet lundruese të shkatërruara i përkasin sipërmarrësve të njohur italianë e të huaj, e një prej tyre është super jahti i familjes së Ish-kryeministrit Silvio Berlusconi.

Komuna e Rapallo është një nga qëndrat turistike më të frekuentuara të bregdetit të Ligurias.

Aktualisht gjithë zona e lungomares së Rapallos është përmbytur nga dalja e detit